Shuhet edhe anëtarja e katërt e familjes së aksidentuar në Kukës
Artikujt tjerė
- Shuhet edhe anëtarja e katërt e familjes së aksidentuar në Kukës
- Arrestohet vrasësi i çiftit
- EULEX arreston një serb në Jarinje
- Mamurras: Dy gra vdesin nga helmimi
- Përgjaken rrugët në Shqipëri, 4 të vdekur e 18 të plagosur
- Burg përjetë shqiptarit në Londër
- Vritet roja i një lokali në Vloçisht
- Planifikonte të rrëmbente gra dhe t’i hante ato
- Vetëvritet në Durrës një 19 vjeçare
- Aksidentohet për vdekje 9-vjeçarja
Kukës, 28 tetor - Në orët e vona të natës së kaluar ka humbur jetën edhe vajza 20-vjeçare, e cila ishte plagosur rëndë në aksidentin e ndodhur mbrëmjen e së shtunës në afërsi të qytetit të Kukësit.
Burime nga spitali i Kukësit bëjnë të ditur se 20-vjeçarja Diana Cengu, për shkak të plagëve të rënda, është nisur në orët e natës në drejtim të Tiranës, por gjatë rrugës ka ndërruar jetë.
Aksidenti i rëndë automobilistik ndodhi mbrëmjen e kaluar rreth 6 kilometra larg qytetit të Kukësit.
Automjeti, me drejtues Ilmi Cengu, banues në Tiranë, ka dalë nga rruga duke rënë në humnerë, raporton BW.
Si pasojë, kanë humbur jetën menjëherë drejtuesi i mjetit, e shoqja Zylfie Cengu dhe nusja e djalit të tyre, ndërsa duke u transportuar në drejtim të Tiranës më vonë humbi jetën edhe vajza e tyre 20-vjeçare.
Tashmë i plagosur ka mbetur vetëm djali 5-vjeçar i çiftit, për të cilin mjekët pohojnë se do t’ia dalë të mbijetojë. Ndërkohë, nga hetimet paraprake rezulton se shkaku i aksidentit ishte lagështia dhe shpejtësia e madhe e automjetit.
