Pesë të arrestuar për falsifikim të 1 milion dollarëve
Artikujt tjerė
- Nëna e Bllacës thotë se ka marrë 130 marka rrogë nga Fahredin Gashi
- Aksioni i madh policor në Bosnjë, në shënjestër Naser Kelmendi
- Elbasan: Ekzekutohet me gurë një 35-vjeçare
- Tahir Dalipit i konfirmohet aktakuza
- Pesë të arrestuar për falsifikim të 1 milion dollarëve
- Vrasje në Shalë të Dukagjinit
- EULEX dhe Supremja vërtetojnë dënimin ndaj Muhamet Vishajt
- Fatmir Xhelili e Azem Syla dëshmitarë në ‘Bllaca 2′
- Për Bashën 30 ditë paraburgim
- Hetohen shumë zyrtarë të institucioneve të Prizrenit
Prishtinë, 12 shtator (E plotësuar) - Policia e Kosovës ka arrestuar pesë persona si të dyshuar për hedhjen në treg të gati një milion dollarëve të falsifikuar. Arrestimin e ka konfirmuar prokurori i Qarkut të Prishtinës, Haxhi Dërguti, i cili ka udhëhequr hetimet. Ai ka arritur që t’i konfiskojë 980 mijë dollarë të prodhuar në një shtypshkronjë në Prishtinë. Të arrestuarve u është caktuar masa e ndalimit policor, derisa hetimet po vazhdojnë për shkak se dyshohet se rrjeti është më i madh. “Koha Ditore” ka mësuar se të arrestuarit janë Avdi Bunjaku, Fatmir Bunjaku, Ramadan Latifi, pronar i shtypshkronjës “Verona”, në të cilën janë shtypur paratë, si dhe Fidan e Vigan Latifi. Sipas njoftimit të PK-së, parat e dyshuara (bankënota false) janë gjetur gjatë bastisjes në një shtëpi në rajonin e Gjilanit. Por, operacioni policor pastaj ka vazhduar edhe në rajonin e Prishtinës, ku janë konfiskuar disa pajisje, për të cilat dyshohet se janë përdorur për falsifikimin e parave.
Bazuar në hetimet policore dyshohet se ky grup i personave të dyshuar është marrë me falsifikim dhe vënie në qarkullim të parave të falsifikuara.
Operacioni policor është realizuar nga hetuesit policor të drejtorisë për hetimin e krimeve ekonomike dhe korrupsionit, me mbështetjen e njësive speciale të policisë.
Të gjitha veprimet policore lidhur me ketë rast janë kryer me autorizimin e prokurorit përkatës dhe ndaj të arrestuarve është caktuar masa e ndalimit policor për 48 orë.
