Një i vrarë në Orikum, javë e mbushur me vrasje në Shqipëri
Artikujt tjerė
- Në Vlorë arrestohen katër grabitës
- Skënderaj: Gjatë këtij viti, tre abuzime seksuale me të mitura
- Gjakovë: Gushti tejkalon korrikun për numër të zjarreve
- Pritet ekstradimi i të dyshuarit për vrasjen e Vigan Morinës
- Një i vrarë në Orikum, javë e mbushur me vrasje në Shqipëri
- Arrestohen tri femra, u gjetën 8 kg drogë
- Sipërmarrësi shqiptar kapet duke fshehur kokainë në pyll
- Tre të vdekur përgjakin rrugët në Shqipëri
- Tri shtetase shqiptare aksidentohen në Maqedoni
- Një e vdekur e katër të lënduar në Sibovc të Podujevës
Vlorë, 26 gusht - Rrethi i Vlorës është tronditur që në orët e para të mëngjesit të ditës së diel nga një vrasje e ndodhur në qytetin e Orikumit.
Sipas burimeve policore, 45-vjeçari Sokol Veizi gjeti vdekjen e menjëhershme në një lokal në të cilin ndodhej, pasi u qëllua me disa plumba nga autorë ende të paidentifikuar.
Aktualisht, policia është duke hetuar të shkuarën e viktimës dhe pistat që mund të kenë motivuar vrasjen e tij, raporton Top Channel.
Ky krim i shëmtuar vjen pas një jave të mbushur me ngjarje të kronikës së zezë, me disa vrasje të tjera të shënuara gjatë javës.
Ditën e martë, një shtetas u qëllua për vdekje me disa plumba në një lokal në Fier, ndërsa një tjetër vrau bashkëfshatarin e tij me thikë, pasi delet e viktimës po kullosnin në fushën me jonxhë të vrasësit pa miratimin e tij.
Ditën e enjte, në një pritë ndaj dy vëllezërve në Shkodër, njëri mbeti i vrarë dhe tjetri është ende duke luftuar për jetën e tij në spital, ndërsa të premten, dhëndri vrau vjehrin 65-vjeçar dhe veten në fshatin Seman të Fierit.
Gjatë dy ditëve të fundit, ngjarjet e kronikës, fatkeqësisht janë “pasuruar” edhe me disa aksidente rrugore, në të cilat humbën jetën pesë shtetas.
