12-vjeçari lëndohet nga shpërthimi i granatës së dorës
Artikujt tjerė
- 12-vjeçari lëndohet nga shpërthimi i granatës së dorës
- Poliçan: Ushtari roje vret shefin e tij dhe më pas veten
- Në aksident trafiku te Badovci, një i vdekur dhe një i lënuar
- Policia e Prizrenit nis tri hetime për të shtëna në dasma
- Konfiskohen një veturë dhe afro 600 litra naftë
- Burrë e grua humbin jetën në aksident, lëndohen dy fëmijë
- Për sulm ndaj personit zyrtar tre të arrestuar
- Pas aksidentit rrahje, arrestohen tre veta
- E gjashta vetëvrasje në Skenderaj
- Dy veta humbin jetën në aksident në Shkup
Prizren, 6 gusht – Një fëmijë 12 vjeç nga fshati Kabash i Prizrenit ka pësuar lëndime të rënda si pasojë e shpërthimit të një granate dore, kanë njoftuar të hënën autoritetet policore të Prizrenit. Sipas tyre, rasti ka ndodhur të dielën në kohën kur viktima ka qenë duke i kullotur delet me ç’rast ka gjetur një mjet të pashpërthyer dhe nga kureshtja e ka përplasur për një gur. “Sakaq granata ka shpërthyer duke i shkaktuar lëndime të rënda trupore fëmijës, i cili është dërguar në Spitalin Rajonal në Prizren për shërim. Sipas mjekëve të Repartit të ortopedisë, ku tanimë është shtrirë i lënduari, lëndime ka në krahun dhe këmbën e majtë, dhe është jashtë rrezikut për jetën”, ka thënë zëdhënësi i Policisë rajonale të Prizrenit, Hazir Berisha.
Krahas këtij incidenti, pjesëtarët e Policisë kanë regjistruar edhe një rast tjetër të gjetjes së mjetit të pashpërthyer në fshatin Landovicë të Prizrenit. Në bazë të informatave të dhëna nga policia, një qytetar në afërsi të xhamisë në Landovicë kishte vërejtur një mjet të dyshimtë dhe menjëherë e ka lajmëruar policinë. “Njësiti për çminim i FSK-së ka dalë në vendin e ngjarjes dhe e ka tërhequr mjetin e rrezikshëm”, ka deklaruar togeri Berisha.
