Policia e Prizrenit nis tri hetime për të shtëna në dasma

Prizren, 6 gusht – Pjesëtarët e Policisë së rajonit të Prizrenit gjatë fundjavës së shkuar kanë iniciuar hetimin e tri rasteve në të cilat dyshohet se dasmorët kanë shtënë në ajër me armë zjarri. Për shkak të shkaktimit të rrezikut të përgjithshëm, policia ka sekuestruar një pushkë automatike AK 47, pastaj ka shoqëruar një person në stacionin policor në Prizren dhe ka nisur hetimet rreth një plumbi "qorr"."Policia e Prizrenit ka trokitur në dyert e H. Berishës, i dyshuar për shkaktim të rrezikut përgjithshëm dhe armëmbajtje ilegale. I dyshuari Berisha, gjatë një ahengu respektivisht dasme ka shtënë së paku tre fishekë në ajër nga pushka automatike AK 47 e prodhimit kinez. Policia ka sekuestruar armën në cilësi të provës materiale e cila së bashku me shkresat e lëndës do t’i kalojë prokurorisë për procedura të mëtejme gjyqësore", ka thënë zëdhënësi i Policisë rajonale të Prizrenit, Hazir Berisha.

Sipas tij, një patrullë e policisë kufitare e cila ndodhej në fshatin Gjonaj të Hasit, kishte dëgjuar të shtëna nga arma e zjarrit dhe menjëherë ka reaguar duke e shoqëruar një person nga Lubizhda për në Stacionin policor në Prizren. "Sipas të dyshuarit, ai kishte shtënë nga një pistoletë me gaz e markës “Ekol Dille” në një dasmë. Arma është sekuestruar ndërsa i dyshuari do të përballet me drejtësinë", ka deklaruar ai.

Togeri policor Berisha ka bërë të ditur se në një rast tjetër një qytetar ka njoftuar policinë në Prizren se përderisa ka qenë i ulur pranë një lokali përballë Stacionit Policor në Prizren, kishte dëgjuar një zhurmë goditëse në kornizën e reklamës së lokalit e më pas kishte vërejtur të binte në tokë një plumb “qorr”. "Policia ka nisur me hetimin e rastit", ka theksuar Berisha.

Autoritetet e Policisë së Kosovës në shumë raste i kanë bërë thirrje qytetarëve që gjatë ahengjeve familjare të mos i përdorin armët, ngase në të kundërtën do të përballen me ligjin.

 

Komente (1)Shpërndaje artikullin

• 09:01Kina fton Korenë Veriore në bisedime anti-bërthamore
• 08:58Tre të arrestuar për vrasjen e një shqiptari në Londër
• 08:50Neymar në Barcelonë, Messi – blerje fantastike
• 23:22Morgan Freeman fle gjatë intervistës (Video)
• 23:08Gazzetta: Benitez kalon në Napoli
• 23:03Burak Yilmaz në shënjestër të Chelseat
• 22:37Walter Mazzarri merr drejtimin e Interit për dy vjet
• 22:09Obama si 17-vjeçar me të dashurën e tij
• 22:02“Ëmbëlsohet” lidhja Rita Ora-Dj Harris
• 21:53Sekuestrohen 200 kg marihuanë, dy të ndaluar