Për 6 muaj vidhen 6 shtëpi serbe, policia i kap hajnat
Artikujt tjerė
- Për 6 muaj vidhen 6 shtëpi serbe, policia i kap hajnat
- Tentoi të dhunojë policen, përfundoi në pranga
- Kukës: Në përplasjen e xhipit me autobusin vdes A. Ndrecaj
- Rrëshen: Vritet një person, plagoset i vëllai
- Aksident trafiku në rrugën Elbasan-Peqin, 8 të plagosur
- Shkodër: Gjendet një i vdekur në ujërat e lumit Buna
- Kapet në Itali gomonia me 122 kg drogë, arrestohen dy shqiptarë
- Në Bërzhitë të Tiranës 2 të vdekur nga shembja e dheut
- Goditet grupi italianë-shqiptarë i drogës
- Mynih: Në pranga shtatë shqiptarë për kontrabandë me cigare
Gjilan, 6 gusht – Përfaqësuesit serbë të Gjilanit, në mbledhjen e fundit të Këshillit Lokal të Sigurisë në Bashkësi, kanë kërkuar më shumë siguri nga Policia e Kosovës. Siç janë shprehur ata, kohët e fundit janë shpeshtuar vjedhjet nëpër shtëpitë e komunitetit serb. Anëtari i Komitetit për Komunitete në KK të Gjilanit, Zvonko Tasiq, ka theksuar se kryesisht po dëmtohen shtëpitë e pabanuara, në të cilat, siç ka thënë ai, po vidhen gjësende të vlefshme. Ai ka kërkuar nga policia që të angazhohet më shumë për kapjen e hajnave. Po ashtu, Tasiq ka kërkuar nga policia të jetë më e vëmendshme me dasmorët, të cilët, sipas tij, po shtënë me armë dhe po i shqetësojnë banorët serbë nëpër fshatra. Tasiq, gjithashtu, ka kërkuar mirëkuptim ndaj komunitetit serb, nëse veturat e tyre kapen pa targa nëpër rrugë. “Po mungojnë targat në qendrat e regjistrimit, prandaj për këtë nuk bën të gjobiten qytetarët që hasen në rrugë, sepse s’është faji i tyre”, është shprehur ai. Sahadete Sadiku, përfaqësuese e Policisë për Siguri në Bashkësi, ka thënë se në 7 raste të mëhershme të vjedhjes së pronave, prej të cilave 6 kanë qenë shtëpi të zbrazura të komunitetit serb, pasi pronarët e tyre janë jashtë shtetit, policia ka arritur t`i identifikojë 6 të dyshuar, njëri prej tyre i mitur, dhe të gjithë janë arrestuar dhe janë proceduar në gjykatë. Sa i përket çështjes së përdorimit të armëve në gazmendet familjare, Sadiku u ka bërë thirrje dasmorëve që të mos i përdorin armët, sepse do t`u konfiskohen, siç ka ndodhur në disa raste. Ndërkaq për automjetet pa targa Sadiku ka sqaruar se regjistrimi i automjeteve është në përgjegjësi të nivelit qendror, derisa ka theksuar se nëse drejtuesi i automjetit i ka me vete dokumentet e regjistrimit të kompletuara, policia nuk do ta ndëshkojë.
