Tre të arrestuar për drogë, e tre për prostitucion
Artikujt tjerė
- Në Zveçan zbulohet marihuanë, arrestohen dy të dyshuar
- Shitësit ambulantë grushtojnë tre policë
- Aksidentohet për vdekje këmbësori
- Kapet arsenal armësh i përdorur në krimet e '97-ës
- Në plazh me familjen, mbytet në det kryefamiljari
- Tre të arrestuar për drogë, e tre për prostitucion
- Aktakuzë për ryshfet kundër një zyrtari policor të Pejës
- Ekzekutohet komiku somalez pas mbarimit të shfaqjes
- Vret me thikë bashkëshorten
- Zvicerani porosit tre kosovarë për të vrarë gruan e tij
Prishtinë 2 gusht - Në tri raste të ndara arrestohen tre të dyshuar për substancë narkotike dhe tri të dyshuara për marrje me prostitucion, raporton Zyra për informim dhe marrëdhënie me publikun e Policisë së Kosovës.
Më 1 gusht në Mitrovicë janë arrestuar dy meshkuj, shtetas të Kosovës, me përkatësi kombëtare serbe. Ata u arrestuan me dyshimin e bazuar se kanë kryer veprën penale posedim ilegal i narkotikëve.
Arrestimi i tyre, njofton policia, u bë pasi gjatë një kontrolle policore në oborrin e shtëpisë së tyre, e cila gjendet në rajonin e Mitrovicës, janë gjetur dhe konfiskuar 229 bimë narkotike, e dyshuar të jetë e llojit marihuanë.
Pas intervistimit, me vendim të prokurorit ata janë dërguar në qendër të ndalimit për 48 orë, për të vazhduar me procedura të mëtutjeshme.
Të dyshuarit e arrestuar janë: D. S. e S.S., që të dy serbë, shtetas të Kosovës.
Po në të njëjtën datë njësia e hetimeve të stacionit policor në Malishevë ka realizuar një bastisje në shtëpinë e të dyshuarit F. D. , shqiptar, shtetas i Kosovës. Në shtëpinë e tij, në një fshat të komunës së Malishevës, dhe gjatë bastisjes janë gjetur disa armë, municione dhe disa fara që dyshohet të jenë fara të bimëve narkotike kanabis sativa.
Armët e gjetura dhe tashmë të konfiskuara në shtëpinë e të dyshuarit janë: një armë e gjatë M-48, me pesë fishekë, një armë gjuetie Magnum Turke, katër fishekë, tre gëzhoja të pistoletës ( 9 mm ), një brisk me patentë, një kapele parukë, dhe dy qese te vogla substancë e dyshimtë narkotike nga 0. 76 gram (lloji marshuan)
Të dyshuarit pas intervistimit i është shqiptuar po ashtu masa e ndalimit për 48 orë për të vazhduar me proceduar të mëtutjeshme.
Edhe një rast tjetër, i trajtuar nga policia po në të njëjtën datë, ka rezultuar me arrestimin e tri femrave të dyshuara se kanë kryer veprën penale “marrje me prostitucion”.
Më 1 gusht Drejtoria për hetimin e trafikimit me qenie njerëzore (DHTQNJ) - sektori qendror ka arrestuar tri femra, të cilat dyshohet që kanë kryer veprën penale Mundësim në prostitucion.
Të dyshuarat tashmë të arrestuara janë: N. K. (1979), femër, shtetase e Kosovës, dhe M. A. (1977) e G. K. (1988), që të dyja femra, shtetase të Shqipërisë. Të dyshuarave u është caktuar masa e ndalimit për 48 orë, dhe më pastaj lënda do të procedohet në prokurori.
