Zürich: Vritet një 23 vjeçar nga Kosova, në rrezik edhe i vëllai

Zürich, 15 korrik – Në një konflikt në mes të dy të rinjve para një klubi të njohur të Zürichut (Kaufleute), natën mes së shtunës dhe së dielës, ka humbur jetën një shqiptar 23 vjeçar nga Kosova, me shtetësi zvicerane. Ai ka rënë viktimë e therjes me thikë nga një i ri tjetër 20 vjeçar, i cili ka ikur nga vendi i krimit. Rrjedha e ngjarjes së përgjakshme ashtu sikundër edhe motivet, ende nuk dihen. Policia është në kërkim të dëshmitarëve.

23 vjeçari i vrarë, nga Hombrechtikoni i Zürichut kishte shkruar së bashku me mikeshën e vet dhe një shoqërues (që sipas disa burimeve të albinfo.ch është vëllai i viktimës) 20 vjeçar në klubin e njohur të argëtimit. Ata tre, për arsye ende të panjohura, rreth orës 3 e 30 të mëngjesit bien në konflikt me një vizitor tjetër të klubit. Sigurimi i klubit e nxjerr jashtë viktimën e ardhshme dhe vëllanë e tij.

Ndërkaq, kundërshtari i tyre i kishte ndjekur dhe kështu, në rrugë, jo larg klubit, fillon konflikti i hapur mes tyre, njoftojnë mediet zvicerane.

Shqiptari 23 vjeçar nuk u ka bërë ballë plagëve dhe ka ndërruar jetë rreth orës 4 të mëngjesit, para hyrjes së klubit. Shoqëruesi i tij ka pësuar po ashtu plagë të rënda nga goditjet me thikë dhe është dërguar në spital. Edhe ai është në rrezik për jetën. Sipas burimeve të Albinfo, i vrari dhe i plagosuri janë shqiptarë të Kosovës me mbiemrin Morina.

Vrasësi, identiteti i të cilit ende nuk dihet, vazhdon të jetë në arrati.

Komente (2)Shpërndaje artikullin

• 15:10Westerwelle kërkon zhbërjen e strukturave paralel në veri
• 15:08Madonna me të brendshme në “Billboard Music Awards”
• 14:54Zgjedhjet komunale në tërë territorin e Kosovës
• 14:48Në takimin Vuçiq -serbët e veriut u fol pak për Marrëveshjen
• 14:32Koreja Veriore hedh raketën e pestë në tre ditë
• 14:28Dy serbë arrestohen në Kosovë për vrasjen në Beograd
• 14:19Shtohet dhuna sektare në Irak
• 14:15A jemi ne me ne?
• 14:11Tornadot godasin SHBA-në
• 14:09Vazhdon gjakderdhja në Siri, sot 52 të vdekur