Zvicër: Merren masa kundër hakmarrjes ndërshqiptare

Solothurn, 11 korrik - Afër një javë pas vrasjes së dyfishtë të dy shqiptarëve nga Kosova në Oensingen, prokuroria e Solothurnit ka nisur ndjekjen penale ndaj dy meshkujve të dyshuar për vrasje të shumëfishtë me paramendim. Babai me të birin, të dyshuar për vrasjen, janë në burgun e hetimeve.

Veç për vrasjen, dy të arrestuarit po hetohen edhe për tentim-vrasje të mysafirit 43 vjeçar, i cili kishte bërë përpjekje të ndihmonte viktimat.

Dy personat që pandehen si vrasës, janë po ashtu babë dhe bir, shqiptarë të Kosovës të cilët kanë edhe shtetësinë zvicerane.

Në të njëjtën kohë, në Kosovë, në fshatin Zllapuzhan të Suharekës është bërë sot varrimi i dy të vrarëve. Siç ka bërë të ditur për albinfo.ch, pronari i një shërbimi për transportimin e kufomave me seli në Solothurn, kufomat është dashur të barteshin paraditen e sotme në Kosovë.

Duke mos dashur t`i publikohet emri, ai konfirmoi se kufomat i ka marrë të hënën, pra katër ditë pas vrasjes. Deri të hënën prokuroria kompetente nuk i ka dorëzuar kufomat për shkaqe mjeko-ligjore dhe procedurale, ka bërë me dije ai për portalin Albinfo.

Sipas njoftimeve ende të pakonfirmuara zyrtarisht, konflikti në mes të dy familjeve kishte lindur në lidhje me bashkëshorten e të vrarit (Përparim B., 26 vjeç), ndërsa të dyshuarit për vrasje janë babai respektivisht vëllai i saj.

Pas tragjedisë së rëndë, policia kantonale po bën përpjekje të parandalojë konfliktet e mundshme në të ardhmen në mes të dy familjeve. Veç tjerash, siç ka thënë zëdhënësja e policisë së Solothurnit, Melanie Schmid në televizionin publik të Zvicrës dhe sipas agjencisë zyrtare të lajmeve SDA, policia ka kërkuar bisedime me një pjesëtar të familjes së dëmtuar.

Kjo është bërë për të evituar ndonjë sulm eventual hakmarrës, ka thënë zëdhënësja. Në këtë drejtim, ka shtuar ajo, policia ka ndërmarrë një numër masash në kuadrin e mundësive që i jep ligji.

Komente (5)Shpërndaje artikullin

• 18:24Messi, profesionist edhe në reklamim
• 18:14Torresi në zbritje, Chelsea kërkon vetëm 20 milionë funte
• 18:03Nadal dhe Serena, mbretër të Romës
• 17:35The Telegraph: Marrëveshja Rama- Blair mund të kushtojë miliona funte
• 17:26Bonot e thesarit shqiptar në minimum historik
• 17:21Fituesja e Eurosongut, origjinë nga familja mbretërore britanike
• 16:57Kina synon rritjen e bashkëpunimit me Indinë
• 16:51Dialogu, karta e Kosovës dhe Serbisë drejt BE-së
• 16:43Zbulohet një ekzemplar i rrallë ene romake në Berat
• 16:42Ban: Koreja V. të ndalojë testet raketore