Në Kosovë kapen nëntë falsifikues të rrezikshëm

Prishtinë, 11 korrik - Policia e Kosovës ka arrestuar 9 persona, të gjithë shtetas të Kosovës, pas një aksioni të suksesshëm në ndalimin e veprimtarisë të falsifikimit të dokumenteve. Ministri i Brendshëm, Bajram Rexhepi, është shprehur mjaft i gëzuar me rezultatin e këtij operacioni.

“Kemi të bëjmë me një organizatë të krimit të organizuar, që nuk ka karakter vetëm rajonal, por edhe më të gjerë. Bëhet fjalë për falsifikim të dokumenteve me  makineri të sofistikuar dhe po ashtu trafikim të emigrantëve. Kjo ka qenë një pengese tek shumë shtete që i ka bërë skeptikë për liberalizimin e vizave, por pas këtij operacioni presim që kjo të ndryshojë”, është shprehur ministri Rexhepi.

Drejtori i Policisë Kufitare, Shaban Gruda, bëri të ditur se kanë të bëjnë me falsifikues më të sofistikuar deri më tani, nga të cilët ishin prodhuar të gjitha llojet e dokumenteve. Për dokument  të falsifikuar është paguar nga dy mijë deri në tre mijë euro, bëri të ditur Gruda.

Të njëjtën ditë kur është zhvilluar operacioni në një shtëpi në Çagllavicë, policia e Maqedonisë, falë bashkëpunimi me PK-në, ka kryer edhe një operacion në territorin e shtetit fqinjë, ku janë bërë disa arrestime.

 

Komente (2)Shpërndaje artikullin

• 22:31Ambrosini këtë javë zyrtarizohet te Fiorentina
• 22:28Australia kualifikohet në Botërorin "Brazili 2014"
• 22:24Luca Toni vazhdon karrierën në Francë
• 22:19Barça në garë për Matan
• 22:15Guarin largohet nga Interi
• 22:10Në Guantanamo, 46 të pafajshëm mbeten në burg
• 21:55Irlanda përkrahë përspektivën evropiane të Kosovës
• 21:47Vetëvendosje djeg “Marrëveshjen me Serbinë”
• 21:43Berisha e Fejzullahu barazojnë me skuadrat e tyre
• 21:35Veton Berisha u kthehet stërvitjeve