Jacobson porosit deçanasit: Respektoni vendimin e gjykatës

Prishtinë, 31 janar - Ambasadorja e Shteteve të Bashkuara në Kosovë, Tracey Ann Jacobson ka vizituar sot Deçanin dhe është takuar me liderët e këtij qyteti.

“Kryesisht kemi ardhur për të biseduar rreth çështjes së tokës, e cila ka qenë burim i mospajtimit në këtë komunitet. Pa marrë parasysh a pajtohen njerëzit me vendimin e Gjykatës Supreme të Kosovës për këtë rast apo jo, të gjithë duhet ta respektojmë dhe ta zbatojmë vendimin e gjykatës së pavarur".

“Ky është parimi kryesor i sundimit të ligjit. Shpresoj që udhëheqësit komunalë do të mund ta zbatojnë vendimin shpejt ashtu që i tërë komuniteti të ecë përpara”, citohet të ketë thënë Jacobson, në një komunikatë për media, të publikuar nga ambasada amerikane në Prishtinë.

“Gjatë vizitës së saj në manastirin e Deçanit, në vitin 2010, nënpresidenti Biden tha se manastiri është pjesë përbërëse jo vetëm e së kaluarës së këtij komuniteti, por çka është edhe më e rëndësishme, edhe e të ardhmes së tij. SHBA-ja dhe partnerët e tjerë ndërkombëtarë të Kosovës presin që Deçani të shfaqë marrëdhënie të mira fqinjësore dhe vlera evropiane edhe për këtë. I nxis udhëheqësit lokalë të punojnë së bashku për promovimin e turizmit, mundësive dhe rritjes ekonomike”, ka thënë ambasadorja.

Komente (2)Shpërndaje artikullin

• 22:30Kryengritësit sirianë marrin kontrollin ndaj hapësirave alavite
• 22:25Rama prezantohet në Vlorë
• 22:20Prizreni s’i ndal dot punimet në Prevallë
• 22:17Ish-lojtari i NBA-së theret me thikë
• 22:13Përmbytje në Kinë, 50 të vdekur
• 22:11Myslimanë të Bosnjës në frontin kundër Assadit
• 22:08Serbia mban 1243 eksponate të Muzeut të Kosovës
• 22:06CSKA Moska fiton titullin e Rusisë
• 22:05Ferguson kritikon Man. Cityn për shkarkimin e Mancinit
• 21:56Mavraj e Azemi përshëndeten nga Bundesliga me humbje