Defekti në një kabllo nëntokësore lë Komunën prej një jave pa rrymë
Artikujt tjerė
- Defekti në një kabllo nëntokësore lë Komunën prej një jave pa rrymë
- Bora shkakton vështirësi qarkullimi në Rugovë
- Llapushniku e bllokoi magjistralen në kërkim të një vendkalimi
- Lirohen 4 aktivistët e VV që "burgosnin" ministrin Rexhepi
- Disa shkolla të Dragashit në krizë për hapësirë mësimi
- 60 mijë euro për luftimin e etheve hemorragjike
- Hani i Elezit bëhet me kopje elektronike të ditarëve të shkollave
- Numër simbolik kompjuterësh në shkollat e Malishevës
- Komuna e Klinës shpenzon mbi gjysmë milioni euro për mallra dhe shërbime
- Kryetari i Shtërpcës shkarkon nga pozita nënkryetaren e parë të Komunës
Lipjan, 16 janar – Ka plot një javë që të gjithë të punësuarve në objektin e Komunës së Lipjanit u ka humbur komoditeti në punë dhe kjo jo për shkak të volumit të punëve që kanë, por për shkak të të ftohtit që ka mbërthyer zyrat e tyre. Në të vërtetë, defekti në një kabllo nëntokësore të energjisë elektrike që përcillte rrymën në objektin komunal ka lënë godinën komunale pa energji elektrike dhe kësisoj gjeneratori aktual i Komunës me kapacitetin që ka nuk po mund t’i rezistojë edhe ngrohjes qendrore, ndaj Komuna pos funksionimit të kompjuterëve dhe printerëve tjerë shërbim me rrymë nuk po kryen. Dhe ata po akuzojnë KEK-un për mosveprim në riparimin e kabllos me gjithë faktin që thonë se e kanë paralajmëruar me kohë këtë defekt. Kurse gjeneratori që po punon pandërprerë thuhet se po shpenzon rreth 100 litra derivate në ditë, shkruan sot Koha Ditore.
