Novobërda në rrugë të partneritetit me St. Gallenin
Artikujt tjerė
- Novobërda në rrugë të partneritetit me St. Gallenin
- Projektet primare të bashkësive lokale anashkalohen
- Komuna e Prishtinës qeras me 100 mijë euro 750 punëtorët e vet
- Nisin punimet për ndërtimin e rrethrrotullimit në dalje të Prishtinës
- Komuna e Prishtinës u ndanë nëpunësve të saj 100 mijë euro
- Lipjani refuzon menaxhimin e “Kosovatransit” me probleme të trashëguara
- Tetë lypsarë deportohen në Shqipëri
- Zvarritet furnizimi me lëndë djegëse i shkollave të Shtërpcës
- Politikane duan t`i ndihmojnë nxënësit në shëndetësi
- Vushtrria e 17-ta për afarizëm biznesor
St. Gallen, 27 tetor - Me ftesë të Kuvendit Komunal të St. Gallenit, të enjten qëndroi në
Zvicër një delegacion nga Kosova me ministrin e Diasporës Ibrahim
Makollin dhe kryetarin e Komunës së Novobërdës, Bajrush Ymerin në krye.
Delegacioni nga Kosova u prit nga kryetarja e Kuvendit Komunal të St. Gallenit, Patrizia Wenk , e cila njoftoi delegacionin nga Kosova me mënyrën e funksionimit të jetës politike, dhe njëkohësisht u shpreh e lumtur që ka rastin të njihet nga afër me organizimin e jetës politike në komunat e vendit tonë, raporton albinfo.ch.
Ministri Makolli ftoi kryetaren e asamblesë komunale për një vizitë në Kosovë, ndërsa kreu i Novobërdës tha se kjo komunë ka krijuar një përvojë të mirë pune me organizata zvicerane. “Ka tre vjet që bashkëpunojmë dhe jemi duke realizuar projekte shumë të rëndësishme për qytetarët tanë. Unë shpresoj që tani e tutje ne të mund të kemi një bashkëpunim më të thellë në të mirë të qytetarëve tanë”. Ai i njoftoi të pranishmit mbi multietnicitetin e komunës së Artanës ku rreth 65 për qind e përbejnë serbët.
Me gjerësisht rreth përvojave të binjakëzimit dhe si njohës i mirë i problemeve ballkanike foli pedagogu dhe politologu, Arne Engel, i cili një pjesë të jetës së tij e kishte kaluar në territorin e ish-Jugosllavisë i angazhuar në shpërndarje të ndihmave humanitare të kishës evangjeliste në Zvicër. Me anë të projekteve konkrete, tha ai, kemi krijuar partneritet me disa komuna dhe të njëjtën përvojë dëshirojmë ta ndajmë edhe me ju. “Me multietnicitetin që prezanton, Novobërda ka ngjashmëri me jetën në Zvicër, prandaj dhe është interesante për ne”, tha ai.
