Banorët e Zhilivodës kërkojnë kompensimin e dëmeve të shkaktuara nga gërmimet

Vushtrri, 19 gusht- Qeveria e Kosovës përmes përfaqësuesve të saj, ka premtuar kompensimin e dëmeve të shkaktuara banorëve të fshatit Zhilivodë të Vushtrrisë, ku në tokat e shumë prej tyre për rreth katër vite me radhë është gërmuar në një lokacion me dyshimin se aty mund të gjenden mbetje mortore të 25 personave të nacionalitetit Serb, të cilët konsiderohen se janë të zhdukur në luftën e fundit të Kosovës.

“Në prani të kryetarit të komunës Bajram Mulakut, kryetarit të komisionit qeveritar për të pagjeturit Prenk Gjetaj, drejtorit të zyrës për vlerësim të pronave të paluajtshme në Ministrinë e Financave Shkëlzen Morina, është arritur ujdia për fillim të procedurave në lidhje me verifikimin dhe vlerësimin e dëmeve të shkaktuara gjatë punimeve në lokacionin e dyshuar për varrezat masive në fshatin Zhilivodë”, thuhet në një njoftim të zyrës për informim të Komunës së Vushtrrisë.

Aty thuhet se marrëveshja është arritur me 11 fshatarët në pronat e të cilëve është gërmuar apo u janë dëmtuar në forma të ndryshme gjatë kryerjes së punëve brenda tri viteve sa kanë zgjatur gërmimet. Pas përfundimit të punimeve, gropa e madhe dhe e gjerë ka mbetur e tillë dhe se për rikthim në gjendje të mëparshme, zyrtarët qeveritar synonin të dakordoheshin me fshatarët pronar të tokave. “Nga zhvillimet e punimeve në atë lokacion nuk do të dëmtohet asnjë qytetar, është bërë inspektimi për numrin e parcelave të shfrytëzuara dhe dëmi i shkaktuar për tri vite do t’u paguhet konform vendimit të Qeverisë së Kosovës ”, citohet të ketë thënë gjatë këtij takimi, Shkëlzen Morina, nga Ministria e Financave.

Ndërsa, Prenk Gjetaj ka falënderuar komunën e Vushtrrisë dhe fshatarët e Zhilivodës për tolerancën e treguar gjatë punimeve në pronat e tyre. “Vlerësimin e dëmeve të shkaktuara do ta bëjë një agjension ekspertor, gjersa gropa mund të mbyllen dhe kthehet në gjendje të mëparshme me pëlqimin tuaj”, ka thënë Gjetaj me këtë rast.

Sipas ZIP-it, fshatarët në këtë takim ishin unanim në kërkesën që gropa të vazhdoj të qëndroj ashtu si është, duke pasur parasysh se aty më lehtë u vie tani të nxjerrin thëngjillin për konsum familjar dhe treg. “Haradin Krasniqi, Nuredin Krasniqi e Mehdi Krasniqi, kërkuan që kadastri të del dhe t’i përcaktoj kufijtë ndarës të pronave, pasi që nga punimet u janë prishur ‘megjat’ siç thonë banorët”, thuhet në njoftimin e ZIP-it.

Me 29 prill të vitit 2010 kryeministri i Kosovës Hashim Thaçi ka nënshkruar vendimin me të cilin është themeluar komisioni për verifikimin dhe vlerësimin e dëmeve në rastin e gërmimeve në Zhilivodë në përbërje me një përfaqësues të komunës së Vushtrrisë (nga Drejtoria e Kadastrit), një përfaqësues i zyrës për persona të pagjetur (Prenk Gjetaj), një përfaqësues nga Ministria për Ekonomi e Financa (Shkëlzen Morina) dhe një përfaqësues ekspert.

Komente (2)Shpërndaje artikullin

• 23:22Morgan Freeman fle gjatë intervistës (Video)
• 23:08Gazzetta: Benitez kalon në Napoli
• 23:03Burak Yilmaz në shënjestër të Chelseat
• 22:37Walter Mazzarri merr drejtimin e Interit për dy vjet
• 22:20Prokurori kërkon paraburgim, vendimi në orën 23:30
• 22:09Obama si 17-vjeçar me të dashurën e tij
• 22:02“Ëmbëlsohet” lidhja Rita Ora-Dj Harris
• 21:53Sekuestrohen 200 kg marihuanë, dy të ndaluar
• 21:50Trendi i ri, të ngasësh veturën në dy rrota! (Video)
• 21:42Sidney vishet me ngjyra