Gjykata për Kundërvajtje e Istogut me vetëm një
Artikujt tjerė
- Gjykata për Kundërvajtje e Istogut me vetëm një
- Shkollat e Zllakuqanit dhe Sferkës të pa riparuara
- Në rrugën “Vëllezërit Fazliu” të Prishtinës, këmbësorët të pasigurt
- KEK-u lë në terr xhaminë e Jashanicës së Klinës
- Kryetari i Prizrenit shpenzon 3 mijë euro për pjesëmarrje në një festival fëmijësh
- Në Kamenicë mungojnë investimet për rregullimin e infrastrukturës
- Rritet numri i bizneseve të mbyllura në Çarshinë e Vjetër
- Njëzet narkomanë trajtohen në Spitalin e Gjakovës
- KFOR-i e mbyll kampin “Casablanca” në Suharekë
- Qeveria e gatshme të kompensojë dëmet në rastin e Zhilivodës
Istog, 19 gusht- Gjykata për Kundërvajtje në Istog ka më shumë se dy vjet që ka mbetur vetëm me një gjyqtar, i cili krahas kësaj pune kryen edhe funksionin e kryetarit të kësaj gjykate.
Kryetari i kësaj gjykate, Gani Rugova, thotë se ka bërë kërkesë edhe për 1 gjyqtar, por deri më tash nuk ka marrë ndonjë përgjigje pozitive, por shpreson se kërkesa e tij një ditë do të bëhet realitet dhe me këtë do t’ i lehtësohen sadopak puna e tij prej gjyqtari.
“ Në 6- mujorin e parë të këtij viti kanë hyrë në punë 2840 lëndë të natyrës së ndryshme gjyqësore, ndërsa janë zgjidhur 2709 prej tyre “, thuhet në raportin e punës së kësaj gjykate.
Ndërkaq, Rugova sqaron se numri më i madh i lëndëve gjyqësore të hyra në punë në këtë gjykatë deri më tash kanë qenë nga lëmi e komunikacionit, ndërsa numri i lëndëve nga ekonomia dhe prishja e rendit dhe qetësisë publike ka qenë shumë më i vogël, por megjithatë ka pohuar se prioritet gjatë procesit gjyqësor i është dhënë atyre të prishjes së rendit dhe qetësisë publike dhe atyre nga lëmi e ekonomisë.
“ Nga lëmin e komunikacionit kanë hyrë në punë 2648 lëndë , janë zgjidhur 2519 prej tyre, 65 lëndë nga ekonomia , janë zgjidhur 51, ndërsa nga 23 lëndë të prishjes së rendit dhe qetësisë publike janë zgjidhur 22 prej tyre ”, sqaron raporti.
Dhe për zgjidhjen e përgjithshme të lëndëve të mbetura Rugova thotë se në këtë gjykatë ka nevojë edhe për së paku për 1 gjyqtar tjetër, ndërsa bën të ditur për këtë ka bërë edhe kërkesë në organin përkatës, por deri më tash nuk ka marrë ndonjë përgjigje pozitive.
“ Kam bërë kërkesë edhe për një gjyqtar dhe po pres që të më aprovohet pozitivisht një kërkesë e tillë”, ka thënë ai.
Ai pohon se kjo gjykatë para ardhjes së tij në pozitë të kryetarit ( 2010) kishte tre gjyqtarë, ndërsa tash ka mbetur i vetmuar.
