“Vetëvendosje” propozon rritjen e tatimit për pagat e larta

Prishtinë, 10 tetor - Lëvizja “Vetëvendosje” ka propozuar ndryshimin e normave tatimore si mundësi për rritjen e buxhetit, rritjen e numrit të punëtorëve dhe zvogëlimin e varfërisë në vend. Sipas analizave të propozuara të martën, nëse “Vetëvendosje” arrin të fitojë mandatin për të qeverisur vendin, do të ndodhë përshkallëzimi i Tatimit mbi Vlerën e Shtuar (TVSH) dhe heqja e tatimit sidomos në artikujt bazë. Po ashtu, si alternativë është propozuar edhe rritja e tatimit në të ardhura për nivelin e lartë të pagave.

Shpend Ahmeti, nënkryetar i “Vetëvendosjes”, ka shprehur qëndrimin se shtresa e ulët dhe ajo e mesme e shoqërisë po diskriminohen nga pushtetarët, të cilët po krijojnë politika në favor të vetin për t’i caktuar të ardhura të majme xhepit të tyre.

Alternativa e “Vetëvendosjes” parasheh lirim nga TVSH-ja për produktet bazë të ushqimit si: buka, vaji, kripa, sheqeri, qumështi, mielli e librat. Sipas analizës së “Vetëvendosjes”, për produktet që konsiderohen si luks parashihet ngritje e normës së TVSH-së në mënyrë proporcionale.

Arsimimi sipas “Vetëvendosjes” duhet të jetë i liruar nga TVSH-ja, meqë nuk duhet konsideruar si diçka luksoze.

“Buxheti modest i Kosovës financohet në masë të madhe nga të hyrat që bëhen nga doganat që janë diku 830 milionë euro, e që reflektojnë tri tatime të ndryshme si TVSH, doganat dhe akcizat dhe se këto tatime i bartin konsumatorët. Shumica e buxhetit të Kosovës, financohet nga tatimet mbi klasën e varfër dhe atë të mesme, pasi që shumica e këtyre produkteve që tatohen, janë produkte bazë”, ka thënë Ahmeti.

Sipas tij, nuk është në rregull që Kosova të ketë nivel të TVSH-së për bukën, për qumështin, vajin, kripën e sheqerin, njëjtë sikurse tatimi për të ngrënë në një restorant luksoz në Prishtinë.



(Më gjerësisht sot në Koha Ditore)

 

Komente (6)Shpërndaje artikullin

• ALL140.1
• MKD61.5
• USD1.30
• CHF1.25
• GBP0.87

• 18:49Dolce&Gabbana dënohen me 20 muaj burg
• 18:40Me pension nuk shkohet në pushim as për një javë
• 18:30Varfëria ekstreme, kërcënim për trazira sociale
• 18:23Vlora Çitaku të pemten në Beograd
• 18:16SHBA-ja mbështet Serbinë drejt BE-së
• 18:02Kryeministri izraelit Netanyahu takohet me presidentin Nishani
• 17:58Zvicër: Ndërpritet ndjekja e shqiptarit për "sulmet në dhomat e gjumit"
• 17:54"Posta me shishe" nga viti 1915
• 17:50Në Maqedoni, 20 milionë euro në vit për fushata mediale
• 17:43SHBA: Më shumë se 50 sulme terroriste të parandaluara