Rriten shkëmbimet e Shqipërisë me Kosovën
Artikujt tjerė
- Rriten shkëmbimet e Shqipërisë me Kosovën
- Punimet në seksionin e pestë të autostradës i janë afruar fundit
- KASH, dokument pa perspektivë ekonomike
- BQK: Rritja ekonomike, nën parashikimet
- Boshllëku i të dhënave në investimet e huaja
- Albpetroli u jepet amerikanëve për 1 miliard dollarë
- Kosovës i duhen banka me kredi më të volitshme për bizneset
- “Vetëvendosje”: Privatizimi shpunësoi 76 mijë punëtorë
- Mjetet e Trustit pensional u rritën për 50 milionë euro
- Firmoset në New York projekti i gazsjellësit TAP
Tiranë, 1 tetor - Eksportet e Shqipërisë pësuan rritje të dukshme edhe në muajin gusht me Kosovën, ku ndikimin kryesor e dha rifillimi i eksportit të çimentos, krahasuar me një vit më parë. Vetëm eksportet e gushtit të sivjetshëm zunë rreth 20% të eksporteve të realizuara në tetëmujorin, janar-gusht.
Gjatë muajit gusht, sipas të dhënave të INSTAT, eksporti u rrit me 34%, krahasuar me gushtin 2011, duke arritur në 2.24 miliardë lekë. Pavarësisht, ndërprerjes për disa muaj të eksportit të çimentos drejt Kosovës, një prej produkteve më me peshë pas hekurit e naftës, ritmet e rritjes së eksporteve drejt fqinjit verior ishin disa herë më të larta se rritja e eksporteve shqiptare në tërësi. Kosova përbën interes për shkak të kostove të ulura të transportit dhe "etjes" së tregut, veçanërisht për materiale ndërtimi e hidrokarbure. Nga kompanitë e prodhimit të çimentos mësohet se prej dy muajsh ato kanë rifilluar të eksportojnë në nivelet e mëparshme për sasitë, por me çmim më të ulët, njofton RD.
Por ndryshe ka ndodhur me importet me Kosovën. Vlera e importeve nga Kosova u rrit 4% me një vlerë 3.13 miliardë lekë.
Sivjet tregtia me Kosovën në raportet eksport-import dëshmon rritje. Në periudhën janar-gusht 2011 u arrit vlera prej 3 miliardë lekë për eksportet dhe 8.7 miliardë lekë për importet, ndërsa në të njëjtën periudhë të vitit 2011 vlera e këmbimeve tregtare llogaritet në eksportet me 3,12 miliardë lekë dhe për importet në 10,8 miliardë lekë.
