Guardiola edhe zyrtarisht trajner i Bayernit

Mynih, 16 dhjetor - Pep Guardiola rikthimin e tij do ta bëjë  në kampionatin gjerman. Ish-trajneri i Barcelonës do të udhëheqë bavarezët, duke nisur nga fundi i këtij sezoni, për tre vitet e ardhshme.

Lajmi njoftohet në faqen zyrtare të Bayernit të Mynihut, transmeton TCH. Skuadra bavareze saktëson se pas refuzimit të trajnerit aktual, Jupp Heynckes për të zgjatur kontratën në krye të klubit është vendosur që emri pasues i tij të jetë Guardiola.

Heynckes paralajmëroi para Krishtlindjeve vendimin e tij se pas 30 qershorit 2013, kur edhe i mbaron kontrata me Bayernin, nuk do të drejtojë më në futboll dhe se me shumë gjasa do të tërhiqet nga karriera e tij si trajner.

“Duke mirëkuptuar dhe respektuar vendimin e tij, Bayerni i Mynihut është i lumtur t’iu njoftojë se si pasardhës i Heynckes është zgjedhur një trajner i profilit të lartë dhe i suksesshëm në botën e futbollit; 41-vjeçari, Pep Guardiola”, thuhet në deklaratën e shpërndarë në faqen zyrtare të skuadrës gjermane.

Pep dhe Bayern kanë rënë dakort për një kontratë 3-vjeçare, deri në vitin 2016. Pagesa dhe detaje të tjera të kësaj marrëveshje mbeten për t’u mësuar në ditët e ardhshme.

Komente (1)Shpërndaje artikullin

• 11:10City mohon interesimin për Falcaon dhe Neymarin
• 11:09Prorektori i UP-së Rexhepi denoncohet në gjykatë
• 11:05Myftiu Tërnava aplikon për statusin e veteranit të UÇK-së
• 11:00Për llaptopë të deputetëve 60 mijë euro nga buxheti
• 10:53 Schweinsteiger i motivuar për finalen
• 10:46LDK rezultatet e sondazhit i cilëson manipulim të PDK-së
• 10:39Reforma zgjedhore ngec, akuzat vazhdojnë
• 10:27James ia siguron fitoren Miamit
• 10:21Strukturat serbe të inteligjencës s’mund të jenë pjesë e AKI-së
• 10:19Nesër duhet të konfirmohet pranimi i tekstit të planit