Benitez: “El Nino” por rikthehet
Artikujt tjerė
- Benitez: “El Nino” por rikthehet
- Zola do që të rikthehet në Chelsea, por si trajner
- Juve kërkon huazimin e Sanchezit, Barcelona refuzon
- Leali synon ta zëvendësojë Buffonin te Juve
- Robinho pranon ofertën e Santosit
- Reali, “ofertë” nën pecetë për Falcaon
- Őzil e quan të çmendur Mourinhon
- Bonucci suspendohet dhe gjobitet për simulim
- Gjyqtari Stark nuk do gjykojë më ndeshje të Dortmundit
- Inter kërkon Verratin dhe Lewandovskin
Londër, 12 dhjetor - Fernando Torres është shumë pranë rikthimit në formën më të mirë dhe atëherë do të kemi shansin të shohim sërish “El Ninon” e dikurshëm. Kështu mendon Rafael Benitez pas katër golave që spanjolli i shënoi në dy ndeshjet e fundit me Chelsean. “Më vjen mirë që tani po më drejtojnë gjithnjë e më pak pyetje për Fernandon, çka do të thotë se njerëzit janë mësuar duke e parë të shënojë”, tha trajneri përpara sfidës së nesërme me skuadrën meksikane Monterrey, në kuadër të Botërorit të klubeve.
“Të gjithë kanë folur për muaj të tërë se Torres duhet të shënonte më shumë. E shoh të lumtur në stërvitje dhe në hotel. E kam vënë re këtë ndryshim, gjë që më kënaq pa masë. Ai është rikthyer vetëm për arsye se skuadra ka punuar më shumë për të. Nuk është çudi që ta shikoni të rikthehet si në kohët e vjetra”, shtoi trajneri spanjoll.
Chelsea do të luajë kundër meksikanëve të Monterrey nesër në orën 11:30.
