Votat e Messit për Topin e Artë
Artikujt tjerė
- Van Persie përballë ish-skuadrës
- Neymar ëndërron të luajë përkrah Messit
- Mancini kërkohej nga shtatë-tetë skuadra
- Interi synon të ndalë hovin e Juves
- Barcelona më e shtrenjtë se Reali
- Votat e Messit për Topin e Artë
- Lionel Messi bëhet me pasardhës
- Shpëton lehtë Ronaldinho
- Pirlo mes favoritëve për Topin e Artë
- Scottie Pippen kthehet në Chicago Bulls
Barcelonë, 2 nëntor – Lionel Messi ka vendosur se kë do të votojë për Topin e Artë FIFA. Në një intervistë për gazetën ‘Sport’, ylli i Barcelonës zbuloi të preferuarit e tij për çmimin më të madh individual në futboll.
“Vitin e kaluar votova Xavi, Iniesta dhe Kun Aguero. Besoj që edhe këtë vit do të bëj të njëjtën gjë. Xavi dhe Iniesta me siguri do të jenë në listën time, por mund të shtoj se i treti do të jetë dikush nga Higuain, Di Maria ose Aguero”, u shpreh Messi.
Kur gazetari i bëri të ditur se Higuain dhe Di Maria (lojtarë të Realit) nuk janë në mesin e 23 finalistëve, kështu që nuk mund të votohen, Messi tha: “Atëherë vota ime e tretë do të shkojë për Agueron”, transmeton TCH
Barcelona dhe Reali i Madridit kanë numrin më të madh të lojtarëve kandidatë në listën e finalistëve, përkatësisht 5 katalanasit dhe 6 madrilenët. Sa i përket kombëtareve, Spanja dominon me 7 futbollistë kandidatë, ndërsa Italia, që bëri një paraqitje të mirë në Euro 2012, pavarësisht humbjes së turpshme 4:0 në finale, konkuron me 3 lojtarë - Pirlo, Bufon dhe Balotelli.
