Vilanova: Nuk jemi favoritë kundër Spartakut
Artikujt tjerė
- Vilanova: Nuk jemi favoritë kundër Spartakut
- Brazilianët nuk i pëlqejnë emrat e maskotave
- Heynckes: Valencia është e fortë, ka mundur Realin
- Borowski përshëndetet nga futbolli
- Nadal nuk e di se sa pasuri ka!
- Di Matteo, Juves: Champions nuk është Serie A
- Milani në telashe, ndalini altoparlantët se na shurdhuat
- Terim kërkon të marrë pikë nga Manchesteri
- Rossi: Milani nuk ka identitet
- Sahin kërkon sukses me Liverpoolin
Barcelonë, 19 shtator – Trajneri i Barcelonës, Tito Vilanova do debutojë si trajner në Ligën e Kampioneve, kur do të presë në shtëpi Spartakun e Moskës për fazën në grupe. “Është një ndeshje shumë e rëndësishme dhe me emocione për mua. Gjithsesi, unë i vlerësoj të gjitha përballjet maksimalisht. Do të doja që ta nis me fitore, pasi synojmë të marrim 18 pikë në fazën në grupe”, shprehet Vilanova. Ai tregohet diplomat me deklaratën e tij, duke thënë se Barcelona nuk është favorite për të fituar Champions-in. “Ka një luftë shumë të fortë për të triumfuar, por unë nuk jam dakord kur na cilësojnë si favoritë. Mjafton të kujtojmë faktin që sezonin e kaluar, United dhe City u eliminuan që në fazën në grupe. Është e vërtetë se kemi siguruar gjysmëfinalet për gjashtë vite radhazi, por kjo nuk nënkupton që mund ta bëjmë lehtësisht edhe sivjet”, shton 43- vjeçari. Vilanova nuk e cilëson veten si pa eksperiencë, edhe pse kjo është ndeshja e parë në Evropë si trajner “Në CV do shënohet si e para, por unë kam katër vite që e drejtoj Barcelonën me Pep Guardiolën dhe së bashku kemi arritur të fitojmë trofe të rëndësishëm. Pa diskutim që eksperienca e fituar aty ka qenë mjaft e madhe”. Sa u përket rivalëve rusë të Spartakut, ai i druhet kundërsulmit. “Kundërshtari është një ekip me futbollistë të shpejtë dhe që janë të rrezikshëm në kundërsulm. Për më tepër, kanë një trajner të shkëlqyer si Unay Emeri, i cili e njeh mjaft mirë filozofinë e Barçës. Pres një ndeshje të vështirë dhe ndaj duhet të mundohemi që të shfrytëzojmë maksimalisht rastet që do krijojmë. Do ishte e pafalshme të mos merrnim tri pikët në fushën tonë. Gjithsesi, parashikoj një fitore me gola”, shton Tito.
