Juve nuk lëshon pe, Milan e Roma dështojnë
Artikujt tjerė
- Juve nuk lëshon pe, Milan e Roma dështojnë
- Mourinho (për herë të parë) pranon fajin për humbje
- Dëmtohet Puyol, gjashtë javë larg fushave
- Del Piero arrin në Australi
- Nxënësi Yamaguchi thyen rekordin e botës në 200 metra
- Pacquiao përcaktohet për përballjen e katërt me Marquezin
- Kampioni ndalet nga Stoke City
- Përvoja e Fergusonit me Dinamon e Tiranës
- Bayern nuk ndalet
- Barca e pandalshme
Romë, 16 shtator – Ekipi i Gjenovës, Genoa paralajmëroi befasi sot, pas epërsisë prej 1:0, në minutën e 18-të kundër kampionit aktual të Italisë, Juventus. Mirëpo, në pjesën e dytë gjërat shkuan ndryshe dhe Juve fitoi ndeshjen kundër vendësve me rezultatin 3:1. Për torinezët shënuan Giacerini, Vuçiniq dhe Asamoa, kështu që ekipi i Contes së ndëshkuar nga Federata italiane e futbollit dhe FIFA, pas tre xhirove të para mbetet në krye të renditjes tabelore, e përcjellë po ashtu me nga 9 pikë nga ekipi i Lorik Canës, Lazio, dhe nga Napoli i Valon Behramit e Blerim Xhemailit. Që të dy këto skuadra fituan me rezultate identike si Juventusi (3:1), por fitorja e Lazios mund të vlerësohet më e vlefshme pasi u realizua në terrenin mysafir (në Veronë kundër Chievos), derisa Napoli mundi në fushë të vet ekipin Parma.
Në anën tjetër, Roma startoi shkëlqyeshëm në takimin kundër Bolognas, duke realizuar epërsi prej dy golave. Mirëpo finishi i ndeshjes ishte shokues për Francesco Tottin dhe shokët e tij, pasi në fushë të vet lejuan të marrin tre gola dhe të mbeten pa pikë.
Një sukses të madh në këtë fillim të Serie A është duke shënuar edhe ekipi tjetër nga Gjenova, ai Sampdoria, i cili këtë javë fitoi si mysafir i Pescaras me rezultat 3:2 dhe në tri javët e para të kampionatit ka tubuar 8 pikë.
Rezultatet:
Chievo - Lazia 1:3
Fiorentina - Catania 2:0
Genoa - Juventus 1:3
Napoli - Parma 3:1
Pescara - Sampdoria 2:3
Roma - Bologna 2:3
Siena - Udinese 2:2
Milan - Atalanta 0:1
Palermo - Cagliar 1:1
Sonte zhvillohet takimi Torino – Inter.
