Xhaka neutral, as himnin kombëtar e as zviceran
Artikujt tjerė
- Barça do të rinegociojë kontratën me Messin
- Zenga: Do të bëhem trajner i Interit
- Për shkak të sigurisë anulohen ndeshjet e Egjiptit
- Perez, Ronaldos: Ke pasur në dorë një ofertë marramendëse
- Xhaka neutral, as himnin kombëtar e as zviceran
- Murray ‘mbretëron’ në US Open, mposht Gjokoviqin
- Silva me kontratë të re te City
- Spanja nis mbrojtjen e titullit të botës në Tbilisi
- Portieri brazilian e copëton të dashurën dhe ia hedh qenve
- Revolucioni te Milani ishte i domosdoshëm
Luzern, 11 shtator - Sonte në orën 20:30 në stadiumin “Swissporarena” zhvillohet ndeshja Zvicër-Shqipëri, në kuadër të kualifikimeve për Botërorin “Brazil 2014”.
Për shqiptarët kjo do të jetë një sfidë emocionuese, ngase edhe në radhët e përfaqësueses zvicerane luajnë shumë futbollistë shqiptar. Ndonëse luajnë në shtëpi, zviceranët i frikësohen kësaj sfide, pasi nga 15,600 ulëse në stadium, së paku 6.000 prej tyre do të jenë të mbushura me tifozë kuqezi. Mesfushori kosovar në radhët e Zvicrës, Granit Xhaka në një intervistë për të përditshmen “Blick” ka pranuar se kjo do të jetë një sfidë e veçantë dhe e vështirë për të dhe kosovarët e tjerë.
”Ne nuk do të hutohemi. Ndoshta do të fishkëllehemi nga tifozët, por në fushë nuk duhet të shpërqendrohemi”, ka thënë Xhaka. Ai para pak javësh tek Borusia e Moenchengladcbahut e këndoi himnin kombëtar shqiptar, por në mbrëmjen e sotme nuk do ta këndoj atë. “Unë e di vetëm një strofë. Por, në këtë mbrëmje nuk do të këndoj as himnin shqiptar dhe as himnin zviceran”, ka sqaruar Xhaka. Ai ka përsëritur se nëse shënon gol do të tregojë respekt për tifozët kuqezi. ”Nëse unë shënoj një gol nuk do të festoj. Unë kam respekt për shqiptarët. Por në qoftë se dikush tjetër prej bashkëlojtarëve shënon, unë do të gëzohem”, ka nënvizuar Xhaka. Rreth etiketimeve nga tifozët kuqezi si ‘tradhtar’, pasi zgjodhën të luajnë për Zvicrën në vend të Shqipërisë, mesfushori me origjinë nga Prishtina është shprehur: “Ndoshta disa prej nesh na shohin si tradhtar. Por unë gjithashtu e di se shumë shqiptarë janë shumë krenarë për ne, edhe pse luajmë për Zvicrën.
