Reali bën ofertën e fundit për Modriqin
Artikujt tjerė
- Reali bën ofertën e fundit për Modriqin
- Wenger s’ndalet, ka para edhe për dy lojtarë
- Barcelona mund Man. Unitedin me penallti
- De Laurentis: Cavani është në shitje
- Amerika ia kalon Kinës, prin me medalje në Olimpiade
- Interi, Nenes: Je shumë i vjetër për ne
- Galliani: Kaka në Milan, mision i pamundur
- Fergie: Kemi bërë ofertë por, nuk dimë çfarë kërkon Arsenali
- Branca: Na intereson Xhagoev i CSKA-s
- Rodgers Cityt: Merrni mësim prej PSG-së
Madrid, 9 gusht – Reali i Madridit, edhe pse nuk ka bërë ende asnjë goditje në tregun e transferimeve, pritet që këtë javë ta afrojë në ekip yllin e parë. Tashmë nuk është befasi fakti që Jose Mourinho kërkon me çdo kusht në ekip mesfushorin kroat të Tottenhamit, Lluka Modriq, por nga ana tjetër ekipi londinez i ka idetë e qarta mbi vlerën e futbollistit dhe nuk dëshiron të bëjë asnjë lëshim.
Në muajin e fundit klubi spanjoll ka arritur të bindë dhe të gjejë një akord me mesfushorin kroat, por ky i fundit, megjithëse ka kërkuar hapur largimin nga Londra në drejtim të Madridit, është i palëkundur në shumën prej 44 milionë eurove për shitjen e kroatit.
Reali është përpjekur t’i mbajë të hapura bisedimet, por dje nga ana e kampionëve të Spanjës ka ardhur ultimatumi i fundit. Duke parë që ofertat e tjera në drejtim të Modriqit mungojnë, presidenti i Realit, Florentino Perez i ka ofruar Tottenhamit 30 milionë funte, ose 38 milionë euro. Në këtë pikë u takon drejtuesve të klubit anglez që të vendosin shpejt dhe të japin një përgjigje përfundimtare deri në fund të kësaj jave, në të kundërtën Reali i Madridit pritet të tërhiqet përfundimisht nga angazhimi i tij në këtë sezon.
