Xhaka është mësuar të luftojë për tituj
Artikujt tjerė
- Xhaka është mësuar të luftojë për tituj
- Beqiraj u fjalos me trajnerin, deshi të largohej nga skuadra
- Mazzarri provon Behramin në krahun e majtë
- Gashi kacafytet me bashkëlojtar
- Dy futbolliste shqiptare në botërorin U-20
- Hendboll, Besa e hap me Vjosën
- Berisha shënon 16 pikë, humb gjuajtjen vendimtare
- Prishtina e nisi me fitore kundër Trepçës
- Xhaka synon të "pushtojë" Bundesligën
- Prishtina planifikon të nisë me fitore mbrojtjen e titullit
Mesfushori kosovar Granit Xhaka në dy stinorët e tij te Baseli kishte fituar dy herë titullin e kampionit të Zvicrës dhe një herë Kupën e Zvicrës. Ai te Baseli ishte mësuar të luftonte vetëm për tituj, ndërsa thotë se te Borussia Moenchengladbachu nuk flitet shumë për tituj. "Për mua është një dallim i madh - pasi në Basel luhet gjithmonë për tituj, derisa në Gladbach në vitet e fundit më tepër është luftuar për mbijetesë. Mund të dallohet edhe në mentalitet apo edhe si mendojnë lojtarët. Ne duhet të mendojmë nga ndeshja në ndeshje. Nuk duhet të flasim shumë për tituj. Nuk duhet të flasim shumë për synime ndërkombëtare e gjëra të tilla. Por, unë nuk njoh këtë. Në Basel kam luajtur gjithmonë për tituj dhe kam folur për tituj. Këtu jam i vetmi - me përjashtim të Alvaro Dominguezit e Luuk de Jongut - që ka luajtur në gara ndërkombëtare. Ne po provojmë që lojtarëve të rinj t'iu bartim një mentalitet tjetër, ndoshta t'i bëjmë edhe lojtarë fitues", ka thënë Xhaka 19-vjeçar, në një intervistë për "20 Minuten". Xhaka te Moenchengladbachu është transferuar këtë verë nga Baseli për 8.5 milionë euro, shkruan sot “Koha Ditore”.
