Rikthehet lufta mes “dy Sudanëve”
Artikujt tjerė
- Rikthehet lufta mes “dy Sudanëve”
- Liderët botërorë: Jo terrorizmit bërthamor
- Papa nis udhëtimin për në Kubë
- Tibetiani i vë flakën vetes, proteston kundër Kinës
- Koreja Veriore nuk frikësohet
- Turqia mbyll ambasadën në Damask
- Merkel: Greqia nuk mund të përjashtohet nga BE
- Tërmeti godet Kilin
- Tensione racore në SHBA, kërkohet arrestimi i Zimmermanit
- Tensione racore në SHBA, kërkohet arrestimi i Zimmermanit
Khartum, 27 mars - Rikthehen luftimet në kufirin mes Sudanit dhe Sudanit të Jugut, luftime që burimet zyrtare nga të dyja vendet, raportojnë se janë më të ashprat që nga shpallja e pavarësisë së Sudanit të Jugut.
Sudani i Jugut shpalli pavarësinë nga pjesa tjetër e Sudanit në korrik të vitit të kaluar pas një lufte civile të gjatë e të përgjakshme. Pavarësia u arrit pas një marrëveshje me ndërmjetësimin e ndërkombëtarëve mes luftëtarëve të atij që quhet sot shteti i Sudanit të Jugut dhe pjesës tjetër të Sudanit.
Në rajon pushuan luftimet e u vendos paqja. Por tetë muaj më vonë, dy vendet kanë disa çështje ende të pazgjidhura mes tyre, ku më e rëndësishmja është vija kufitare në një zonë të pasur me naftë.
Luftimet kanë nisur në këtë rajon, ku të dyja palët pretendojnë sovranitetin. Sudani i Jugut njoftoi se forcat ajrore të Sudanit bombarduan zonën, ndërsa trupat e tij përparuan duke marrë nën kontroll fushën naftëmbajtëse të Heglig-it.
Diplomatët ndërkombëtarë në të dyja vendet apeluan për vetëpërmbajtje, pushimin e menjëhershëm të luftimeve dhe rikthimit në tavolinën e bisedimeve.
