SHBA-ja kërkon sqarime nga qeveria algjeriane
Artikujt tjerė
- SHBA-ja kërkon sqarime nga qeveria algjeriane
- Evropa ndalon fluturimin e avionëve “Dreamliner”
- Trupat afrikane arrijnë në Mali
- Gjermania kthen arin nga SHBA-ja dhe Franca
- Në Algjeri vriten 34 pengje – shumica shtetas perëndimorë
- Taxhikistan bllokon ueb-faqen e REL dhe Facebook-un
- Xhakarta zhytet nën ujë
- IAEA vazhdon vizitën në Iran
- Në Irak 12 të vrarë nga bomba
- Në Algjeri merren peng nga Al-Kaeda 41 të huaj
Washington, 17 janar - Shtetet e Bashkuara thanë se janë të shqetësuara në lidhje me raportet për vrasjet e ndodhura gjatë një operacioni të forcave algjeriane për të liruar pengjet e rrëmbyera nga militantët islamikë në një uzinë gazi në lindje të Algjerisë.
Zëdhënësi Jay Carney tha se Shtëpia e Bardhë i ka kërkuar sqarime qeverisë algjeriane.
Një zëdhënës i kryeministrit britanik, David Cameron tha se Britanisë nuk i është dhënë ndonjë njoftim paraprak për operacionin algjerian.
Presidenti francez Francois Hollande tha se kriza e pengjeve në Algjeri tregon se ndërhyrja e Francës në shtetin fqinj me Algjerinë, Mali, ishte e justifikuar.
Militantët kanë uzurpuar uzinën dhe kanë rrëmbyer dhjetëra pengje të huaja dhe algjeriane.
Ata kërkuan që Franca të ndalë operacionin kundër militantëve në Mali.
Militantët njoftuan se 34 pengje dhe 14 rrëmbyes u vranë në sulmin ushtarak të së enjtes.
Mediat algjeriane raportojnë se disa nga të huajt janë shpëtuar.
