I dërguari i OKB-së në Turqi
Artikujt tjerė
- Shtatëmbëdhjetë vende të NATO-s do të armatosen me karabinë ruse
- Plumba ndaj zyrës zgjedhore të Obamës
- I dërguari i OKB-së në Turqi
- Shtypi britanik tallet me Çmimin Nobel për BE-në
- Shkurtohen pensionet e invaliditetit në Zvicër?
- Arrestohet i biri i ish-presidentit të Kirgizisë
- Shpërthim në Pakistan, 13 të vrarë
- Stefan Füle: Nobeli do të inkurajojë zgjerimin e BE-së
- SHBA-ja e shqetësuar për politikën ruse ndaj Sirisë
- Panetta: Sulmet kibernetike kërcënojnë SHBA-në
Ankara, 13 tetor - I dërguari i OKB-së dhe Lidhjes Arabe në Siri, Lakhdar Brahimi mbërriti në Turqi për të zhvilluar bisedime në lidhje me tensionet në rritje midis Ankarasë dhe Damaskut. Brahimi do të dëgjojë perspektivën e Turqisë për krizën tashmë të ndezur nga minsitri i Jashtëm, Ahmet Davutoglu. Vizita e tij vjen vetëm disa ditë pasi pesë civilë turq u vranë në bombardimet nga përtej kufirit sirian, transmeton TCH.
Turqia i është kundërpërgjigjur sulmeve siriane në territorin e saj me të njëjtën gjuhë. Artileria turke ka bombarduar disa objektiva në thellësi të territorit sirian. Përshkallëzimi i tensioneve mes dy vendeve erdhi pas ndalimit të një avioni pasagjerësh sirian
nga ushtria turke që e detyroi atë të ulej në Ankara.
Pas uljes së detyruar, ministri i Jashtëm turk dhe vetë kryeministri Erdogan deklaruan se në avion u gjetën armë dhe pajisje luftarake ruse, që sipas tyre, kishte destinacion forcat e regjimit të presidentit Bashar al-Assad.
Por Siria dhe Turqia ka hedhur poshtë pretendimin dhe e ka quajtur një gënjeshtër, duke sfiduar Turqinë teksa e fton të tregojë faktet.
Në Siri, aktivistët thanë të premten se luftëtarët rebelë kanë konfiskuar një bazë ajrore qeveritare pranë qytetit veri-perëndimor të Aleppo-s. Por pretendimi nuk është verifikuar ende nga burime të pavarura.
