Shtypi britanik tallet me Çmimin Nobel për BE-në

Londër, 13 tetor - Gazetat britanike kanë shprehur përbuzje për dhënien e Çmimit Nobel për Paqe Bashkimit Evropian, duke reflektuar kundërthënien e vendit kundrejt fqinjëve të tij në “kontinent”, shkruan agjencia e lajmeve AFP. “BE-ja duket të jetë tallur!” ka shkruar tabloidi Sun, duke e cituar ish-ministrin konservator të  financave Norman Lamont i cili e ka quajtur çmimin e së premtes si “qesharak dhe absurd”.

“Çmimi Nobel i Paqes për idiotësi,” ka shkruar krahu i së djathëts, Daily Mail, pranë një foto të protestuesve në Athinë të veshur si nazistët, ndërsa protestonin kundër masave të imponuara të kursimit të BE-së, gjatë kohës sa Athinën e vizitonte kancelarja gjermane Angela Merkel.

Komentatori i gazetës, Max Hastings tha se çmimin i dhënë në kohën e krizës së eurozonës shkon “përtej satirës”.

“Gjykatësit e Nobelit kanë vendosur mbi ne një shaka të madhe e mizore”, ka shkruar ai, transmeton REL.

Gazeta e krahur të majtë, Independent ngjashëm ka përdorur një imazh të protestuesve grekë, të rrethuar nga mbeturinat dhe gazi lotsjellës, në ballinë, me një citim nga komiteti i Nobelit me seli në Norvegji: “Një projekt unik që zëvendësoi luftën me paqen.”

The Times e quajti çmimin të “pavlerë” dhe tha se projekti evropian është shndërruar në "një skemë utopike për ribërjen e kontinentit të Evropës “.

Komentatorët e tij kritikuan rritjen e së djathtës ekstreme dhe krizën e borxheve.

Konservatorja Daily Telegraph shkruante në një editorial se vendimi “mbi të gjitha, ngre një pyetje: A është tepër vonë për trashëgimtarët e Alfred Nobelit që të tërheqin paratë e tyre?

“Shërbimi më i madh nuk i është bërë për diplomaci, por për komedi.”

Por, thuhet në gazetë, “ende ka kohë për Evropën ... për të rizbuluar dhe riafirmuar lirinë e përbashkët dhe prosperitetin e përbashkët që e bëri atë një fener të tillë për kombet e varfëra apo të burgosura në kufijtë e saj “.

Financial Times ishte një zë i vetmuar që mbështeti çmimin, duke thënë se “ai me të drejtë njeh një të të arritur historike”.

Kryeministri David Cameron është nën presion nga krahu i djathtë në partinë e tij Konservatore për të mbajtur një referendum nëse Britania duhet të ndryshojë marrëdhëniet e saj me BE-në, ose të largohet tërësisht nga unioni.

 

Komente (2)Shpërndaje artikullin

• 18:09Franca investon në trajtimin e ujërave të zeza në Prishtinë
• 18:05Tornadoja në Oklahoma 600 herë më e fuqishme se shpërthimi atomik në Hiroshima
• 17:56Rifilloi takimi Ashton - Thaçi – Daçiq
• 17:47Skulptura 3D prej sheqeri
• 17:39Dy qytetarë të Serbisë dënohen me nga 1 muaj burg në Kosovë
• 17:30Turqia “parandalon” sulme ndaj refugjatëve sirianë
• 17:20Merkel - gruaja më me ndikim në botë
• 17:10Përfaqësuesi i Kosovës në BB qëndroi në BQK
• 17:02Përkujtohet 14-vjetori i masakrës në Burgun e Dubravës
• 16:56Në Slloveni diskutohet për bashkëpunimin rajonal në fushën e sigurisë