Shfaqen ndjenja antigjermane edhe në Itali
Artikujt tjerė
- Shtatë të vdekur në një tempull të sikëve në Amerikë
- Shfaqen ndjenja antigjermane edhe në Itali
- Kinë: 137 të arrestuar për trafik të organeve
- Shimon Peres viziton Greqinë
- Astronauti sirian dezerton nga regjimi i Asadit
- Njëzetmijë trupa siriane vërshojnë Halebin
- Clinton në Turqi për të biseduar rreth Sirisë
- Në luftimet e ushtarëve turq me kurdë, 19 të vrarë
- Në Afganistan vriten dy ushtarë të Zelandës së Re
- Kim Jung Eun ka ndërmend të bashkojë dy Koretë
Romë, 5 gusht - Kryeministri italian, Mario Monti flet për një ndjenjë anti-gjermane në rritje në Itali. Në një intervistë për të përjavshmen “Der Spiegel”, ai përmendi akuzat italiane për ashpërsi dhe arrogancë ndaj Berlinit, një problem që shkon tej raportit mes dy vendeve. “Tensionet që shoqërojnë eurozonën kanë vijëzuar shpërbërjen psikologjike të Evropës. Duhet të punojmë fort për t’i bërë ballë”, i cili e sheh si problem kryesor kundërshtimin mes vendeve të veriut dhe atyre të jugut.
“Ndërsa italianët admirojnë gjermanët për cilësitë e tyre, kam përshtypjen se pjesa më e madhe e gjermanëve mendon se Italia ka marrë ndihma financiare nga Berlini apo nga BE-ja, por kjo nuk është aspak e vërtetë, asnjë euro nuk kemi marr”, tha ai.
Kryeministri italian kërkoi mbështetje morale dhe jo financiare. “Vendet më të fortë ekonomikisht të eurozonës duhet t’i lënë më shumë hapësirë manovrës së shteteve që zbatojnë me përpikëri direktivat evropiane”, transmeton TCH.
Ai kujtoi se Gjermania aktualisht ka norma interesi me të ulëta, madje edhe negative të letrave me vlerë dhe “në këtë mënyrë”, nënvizoi Monti, “normat e larta që duhet të paguajë Italia subvencionojnë ato të ulëtat e Gjermanisë”.
Sa i përket marrëdhënieve të tij me kancelaren gjermane, Angela Merkel, kryeministri italian e cilësoi atë “miqësore dhe të sinqertë”. “Njihemi prej shumë vitesh dhe jam i gëzuar me vlerësimet e kancelares dhe ministrit të Financave, Volfgang Shauble, për progresin e politikës italiane”.
