Burg i përjetshëm për ish-kryetarin e Bashkisë së Selanikut
Artikujt tjerė
- Burg i përjetshëm për ish-kryetarin e Bashkisë së Selanikut
- Kacin: Marrveshja historike do të arrihet në dy takimet e radhës
- Qeveria e Republika Sërpska jep dorëheqje
- Nikoliq dekoroi diktatorët adhurues të Milosheviqit
- Nuk puthi kryqin, sulmohet me thikë 13 vjeçari në Shkup
- KE kërkon rikthimin e vizave për Ballkanin
- Stefanoviq: Serbia s'ka struktura të organizuara sigurie në Kosovë
- BE pret rezultate konkrete nga bisedimet
- Vërshime në Maqedoni
- Shqiptarët me peticion kërkojnë heqjen e lapidarit të xhandarmerisë serbe
Selanik, 27 shkurt - Gjykata e Apelit në Selanik ka dhënë dënimin me burg të përjetshëm për ish-kryetarin e Bashkisë së Selanikut dhe dy ish-bashkëpunëtorë të tij në këtë bashki, nën akuzën e përvetësimit të fondeve.
Ish kreu i Bashkisë së qytetit të Selanikut, Vasilis Papageorgopulos, ish sekretari i përgjithshëm dhe ai i thesarit, Mihalis Lemusias, dhe Panajotis Saksonis, kanë marrë sot dënimin me burg të përjetshëm, pasi u akuzuan si të përfshirë në skandalin e përvetësimit të 18 milionë eurove nga fondet e Bashkisë.
Menjëherë pas vendimit, Papageorgopulos deklaroi se nuk është i përfshirë në këtë çështje.
Gjykata dënoi edhe dy drejtorë të thesarit në Bashkinë e Selanikut, përkatësisht me 10 dhe 15 vjet burg.
Vasilis Papageorgopulos ka qenë 7 vjet deputet i partisë “Demokracia e re” të Antonis Samaras dhe i zgjedhur në krye të Bashkisë së Selanikut për 3 mandate rresht.
Kryebashkiaku aktual, Janis Butaris kërkon kthimin e parave të përvetësuara në mënyrë të paligjshme në Bashkinë e Selanikut, raporton Balkanweb.
“Vendimi i gjykatës pasqyron vullnetin e drejtësisë dhe kënaq ndjenjën publike për mënyrën se si shteti duhet të merret me korrupsionin. Përgjegjësia jonë është tani të kërkojmë kthimin e parave në fondet e qytetit të Selanikut. Mesazhi i vendimit të sotëm është se menaxhimi i parave publike kërkon kujdes të madh dhe përgjegjësi. Në të njëjtën kohë, na bënë optimistë për funksionimin më të mirë të qeverisjes vendore në Greqi”, tha Butaris.
