Tërhiqet nga Afganistani një pjesë e trupave bullgare
Artikujt tjerė
- Tërhiqet nga Afganistani një pjesë e trupave bullgare
- Oferta e re e Daçiqit: Ju neve veriun, ne juve OKB-në?!
- Lapidari nuk zhvendoset, kompletohet dokumentacioni për legalizim
- Reeker: Në Preshevë të gjendet zgjidhje e kënaqshme për të gjithë
- Pas ultimatumit, afate për heqjen e lapidarit në Preshevë
- Kreu i Shkupit obligohet të kujdeset për përdorimin e shqipes
- BDI kundër zgjedhjeve të parakohshme
- Shkup: Zyrat e postës në flakë
- Daçiq: Nuk do të provokojmë konflikte
- Koshtunica kërkon “kokën” e Daçiqit për shkak të deklaratës mbi Kosovën në KB
Sofje, 16 janar - Qeveria e Bullgarisë njoftoi sot se do të tërheqë një pjesë të kontigjentit të ushtarëve të saj në Afganistan.
Trupat e Bullgarisë janë të vendosura në aeroportin e Kabulit dhe do të tërhiqen më 1 mars, ndërsa një ekip i instruktorëve do të largohet më 31 mars të këtij viti.
Me këtë vendim Bullgaria do të tërheqë afro 40 për qind të kontigjentit prej 600 ushtarëve në Afganistan, të cilët veprojnë në kuadër të Forcës Ndihmëse Ndërkombëtare të Sigurisë në Afganistan, transmeton Rel.
Pjesa tjetër e ushtarëve bullgarë do të mbetet në Afganistan deri në vitin 2014, kur do të tërhiqet pjesa më e madhe e forcave të NATO-s.
Bullgaria, e cila është pranuar në NATO në vitin 2004, ka marrë pjesë në Forcën Ndihmëse Ndërkombëtare të Sigurisë, që udhëhiqet nga aleanca, prej vitit 2002.
