Protestat e opozitës në Maqedoni, me tone antishqiptare
Artikujt tjerė
- Protestat e opozitës në Maqedoni, me tone antishqiptare
- Irinej e pëlqen platformën e Beogradit
- Qeveria e Serbisë do ta miratojë Rezolutën për Kosovën më 8 janar
- Opozita maqedonase protestoi para selisë së VMRPO-DPMNE-së
- Në janar riformatizohet Qeveria e Maqedonisë
- Kushtëzim fëmijëror i Daçiqit për bisedime me Thaçin
- Ja njerëzit e Nikoliqit, dogji mbi 20 vetura, lokale e shtëpi
- Demantohen dy gënjeshtra të mëdha të presidentit serb
- Intex i Turqisë hap fabrikë në Novi Pazar
- Musliu: S’lejojmë të na rrënohen vlerat çlirimtare
Shkup, 30 dhjetor - Protestat e opozitës maqedonase kanë nisur edhe me fjalime provokuese dhe antishqiptare.
Stojanço Angelov, lideri i Organizatës “Dinjiteti” që tubon veteranët maqedonas të konfliktit të vitit 2001 në protestën e djeshme ka deklaruar se pikërisht Branko Cërvenkovski si kryeministër i Maqedonisë në vitin 1998 dërgoi policinë dhe hoqi flamujt shqiptarë para komunave të Gostivarit dhe Tetovës, ndërsa Gruevski iku në Amerikë kur Shkupi u mbush me flamuj shqiptarë në 100 vjetorin e pavarësisë së shtetit shqiptar.
“Kur në vitin 1997 u vendosën flamujt shqiptarë në Gostivar dhe Tetovë, Branko nuk iku në Amerikë, por e dërgoi policinë për heqjen e tyre. Ndërsa tani patëm rastin që ta shohim Shqipërinë në Maqedoni. Tërë Shkupi, tërë Maqedonia veriperëndimore ishte e stërmbushur me flamuj shqiptarë. Mua ndoshta nuk më pengojnë shumë ato, por ku ishte patrioti dhe lideri i madh. Por, ai iku për investime pikërisht në atë periudhë”, deklaroi Angelov, transmeton INA.
Partitë shqiptarë jozyrtarisht kanë dënuar deklarimet dhe mesazhet e tilla të opozitës maqedonase, e cila sërish përdor kartën nacionaliste dhe antishqiptare për të tërhequr masat protestuese.
Këto mesazhe nga protestat e opozitës vijnë edhe pse në radhët e saj janë individë të komunitetit shqiptarë të shoqërisë civile, të cilët individualisht përkrahin protestat e opozitës. Organizata “Dinjiteti” është pjesë e koalicionit qeveritar “Lidhja për të Ardhmen”.
