Radhë të gjata në Tabanoc, mërgimtarët revoltohen
Artikujt tjerė
- Radhë të gjata në Tabanoc, mërgimtarët revoltohen
- Davutoglu në Shkup: Mbështetje deri në kijamet
- Në Maqedoni 55 për qind e qytetarëve ndjehen të lumtur
- Platforma, vështirë e pranueshme për Brukselin e Washingtonin
- Platforma, një pikëpamje për zgjidhje të përkohshme
- Nikoliq: Platforma garanton integritetin territorial të Serbisë
- Portali amerikan: Serbia fajtore për fundin e botës!
- AI: Ksenofobia në rritje në Greqi
- Gjykimi për rastin “Monstra’ u shty për 9 janar
- Drecun: Çelësi është mosnjohja e Kosovës
Shkup, 21 dhjetor - Në pikën kufitare Tabanoc, midis Serbisë dhe Maqedonisë, janë regjistruar kolona të gjata të veturave dhe revoltë e kalimtarëve për shkak të pritjeve të gjata nga ana e Maqedonisë.
Fluksi i madh i veturave është shtuar në prag të pushimeve dimërore të mërgimtarëve që nga vendet europerëndimore kthehen në vendlindje. Mërgimtarët që po presin me orë të tëra në këtë pikë kufitare kanë akuzuar autoritetet kufitare të Maqedonisë për neglizhencë dhe ngadalësim të punës.
“Ne po presim për disa orë dhe është skandaloze që ne vazhdimisht këtu përballemi me pritje të gjata. Nuk është në rregull kur ne me fëmijë presim me orë të tëra në këto temperatura të ftohta dhe kur kemi bërë mijëra kilometra rrugë dhe tani këtu po na krijohen problemet”, theksoi për agjencinë e lajmeve INA një mërgimtar që po kthehej nga Gjermania.
Autoritetet kufitare nuk kanë dhënë hollësi për situatën e krijuar, por vetëm kanë deklaruar se po punojnë me temp të rregullt dhe nuk bëhet fjalë për zvarritje të punës. Mërgimtarët kanë apeluar që Ministria e Brendshme të ndërmarrë masa për të rritur efikasitetin në këtë pikë kufitare. Shtimi i madh i lëvizjes në pikën kufitare Tabanoc po ndodh edhe për shkak të fluksit të madh të emigrantëve turq, të cilët nga vendet europerëndimore përmes Maqedonisë dhe Greqisë, në rrugën e Korridorit 10, udhëtojnë drejt Turqisë.
