Clinton: Kroacia, faktor stabiliteti në rajon
Artikujt tjerė
- Clinton: Kroacia, faktor stabiliteti në rajon
- Serbia publikon platformën për Kosovën javën e ardhshme
- Sllovenia mbyll konsullatat në Dublin dhe New York
- Serbia larg BE-së – një dekadë
- Serbia diskuton platformën për Kosovën
- Çka presin SHBA dhe BE nga dialogu?
- Daçiq dhe Thaçi takohen sërish më 7 nëntor
- Serwver lavdëron Daçiqin
- Mbi 15 mijë amendamente të BDI-së në projektligjin për “Branitellat”
- Clinton e Ashton nisin takimin me presidenten Jahjaga
Zagreb, 31 tetor - Sekretarja amerikane e Shtetit, Hillary Clinton, ka deklaruar sot në Zagreb se Kroacia është faktori më i rëndësishëm i stabilitetit dhe prosperitetit në rajon.
Pas bisedimeve me presidentin kroat, Ivo Josipoviq, Clinton ka vlerësuar reformat, duke thënë se Kroacia ka bërë përparime të mëdha në luftën kundër korrupsionit dhe në sundimin e ligjit.
“Shpresoj se vitin e ardhshëm do të festojmë së bashku hyrjen e Kroacisë në Bashkimin Evropian”, ka deklaruar Clinton, transmeton REL.
Josipoviq ka thënë se është në interesin më të mirë të Kroacisë që t’i bashkohet BE-së, për shkak të paqes, sigurisë dhe ekonomisë.
Clinton ka takuar edhe kryeministrin e Kroacisë, Zoran Millanoviq, dhe ministren e Jashtme, Vesna Pusiq.
Ajo ka qëndruar në Zagreb, pas vizitës që ka bërë në Sarajevë, Beograd dhe Prishtinë, ku është shoqëruar edhe nga shefja për politikë të jashtme e Bashkimit Evropian, Catherine Ashton.
Clinton të enjten qëndron në Tiranë.
