VMRO-DPMNE: Organizatore e manifestimit në Kumanovë, Serbia
Artikujt tjerė
- Clinton në Kosovë e Serbi për tejkalimin e dallimeve të hidhura
- Jovanoviq: PLD nuk mbështet planin e Serbisë për Kosovën
- Tadiq: Plani im katërpikësh më shumë se i dy Gjermanive
- VMRO-DPMNE: Organizatore e manifestimit në Kumanovë, Serbia
- Zbulon njerëzit që fshehin milionat në Zvicër, arrestohet gazetari
- Pianisti turk akuzohet për fyerje të islamit
- Nikoliqi festoi në Kumanovë, Hoxhaj e dënoi vizitën
- Të reshura bore në Bosnje, Austri dhe Slloveni
- Daçiq: Platforma për Kosovën s'do të mbetet sekret
- Daçiq për normalizim të marrëdhënieve pa e njohur Kosovën
Shkup, 28 tetor – Partia në pushtet në Maqedoni bashkë me BDI-në, VMRO-DPMNE është distancuar nga manifestimi i sotëm me rastin e përvjetorit të Betejës së Kumanovës, duke theksuar se ajo është organizuar nga Qeveria e Serbisë.
Në një komunikatë me shkrim, VMRO-DPMNE thekson se Qeveria e Maqedonisë nuk e konsideron këtë ngjarje si simbol që do të duhej ta festonin edhe maqedonasit, ndërsa pranon se kreu shtetëror e ka dhënë lejen për zhvillimin e ceremonisë së shënimit të këtij jubileu.
Për këtë, VMRO-DPMNE jep dy arsye: njëra, manifestimi në Zabërnjak është në frymën pozitive të ndërtimit të fqinjësisë së mirë; dhe tjetra, me këtë akt Maqedonia vepron ndryshe nga Kisha Ortodokse Serbe dhe disa struktura në të kaluarën, të cilat nuk lejonin hyrjen në Manastirin Prohor Pçinski të delegacionit të Maqedonisë, në ditën e shënimit të Ilindenit, transmeton Zhurnali
“Rikujtojmë se VMRO (Organizata e Brendshme Revolucionare Maqedonase) luftonte edhe kundër sundimit otoman, por edhe kundër pushtuesve të rinj, të cilët fituan në Zebërnjak. Kjo luftë e VMRO-së u kurorëzua me Mbledhjen e ASNOM-t dhe përmes referendumit për Pavarësi më 8 shtator të vitit 1991.
Por, sot, Maqedonia si shtet i lirë dhe i pavarur ka raporte miqësore dhe ndërton bashkëpunim me Turqinë dhe Serbinë”, thuhet në komunikatën e VMRO-DPMNE-së.
