Ibrahimi: Gruevski është fashist, ligji për “branitellat” racist

Shkup, 20 shtator - Deputeti i PDSH-së, Orhan Ibrahimi, sërish ka akuzuar kryeministrin e Maqedonisë, Nikolla Gruevski, si fashist, duke nxitur një zënkë verbale me deputetin e VMRO-DMNE, Vele Georgievski, i cili kërkoi nga kryetarja e Komisionit parlamentar për punë dhe politikë sociale që të mos ofendohet kryeministri i vendit.

Mirëpo, pas mbylljes së punimeve të këtij komisioni, që për 10 ditë me radhë po debaton për Projekt – ligjin për pjesëtarët e forcave maqedonase të sigurisë “branitellat”, ka shpërthyer zënka midis deputetit Ibrahimi dhe Georgievski.

Ibrahimi ka përsëritur akuzat se kryeministri Gruevski është fashist dhe se ai ka tërhequr vërejtjen se nuk do të kalojë ligji për “branitellat”.

“Kryeministri është fashist. Unë ashtu mendoj dhe vazhdimisht e përsëris”, citon INA të ketë thënë Ibrahimi para syve të deputetit Georgievski. Ai gjithashtu i ka bërë me dije se ligji për të ashtuquajturit “branitellat” nuk do të kalojë dhe nuk është mirë të kalojë një ligj i tillë racizmi.

Zënka dhe fjalët e shkëmbyera midis dy deputetëve kanë ndodhur në prani të ekipeve të gazetarëve që kanë lansuar video materialin.

 

Komente (1)Shpërndaje artikullin

• 23:22Morgan Freeman fle gjatë intervistës (Video)
• 23:08Gazzetta: Benitez kalon në Napoli
• 23:03Burak Yilmaz në shënjestër të Chelseat
• 22:37Walter Mazzarri merr drejtimin e Interit për dy vjet
• 22:09Obama si 17-vjeçar me të dashurën e tij
• 22:02“Ëmbëlsohet” lidhja Rita Ora-Dj Harris
• 21:53Sekuestrohen 200 kg marihuanë, dy të ndaluar
• 21:50Trendi i ri, të ngasësh veturën në dy rrota! (Video)
• 21:42Sidney vishet me ngjyra
• 21:39Pesë futbollistë vishen kuqezi, marrin nënshtetësinë!