Menduh Thaçi mbështet Ahmetin, kundër Gruevskit
Artikujt tjerė
- Menduh Thaçi mbështet Ahmetin, kundër Gruevskit
- Samaras: Greqia mund të përfitojë nga shitja e ishujve
- Rrëzohet balona, katër të vdekur e 28 të plagosur
- Serbia me fabrikë të re armësh me ndihmë të Rusisë
- MPB e Maqedonisë: Përfaqësim proporcional i shqiptarëve në polici
- Qeveria e Kosovës ndaloi hyrjen e Vulinit
- Serbët në krye të listës për azil në Zvicër
- Fillon shpërndarja e Abetares gjithëkombëtare në Luginë
- Në Maqedoni sot deri në 42 gradë celsius
- BDI nuk shqetësohet nga prishja e koalicionit
Shkup, 23 gusht - Lideri i opozitës shqiptare, Menduh Thaçi tha se do të mbështesë rivalin e tij, liderin e BDI-së, Ali Ahmeti, për të parandaluar miratimin e ligjit të ‘branitellave’. Thaçi pas takimit që realizoi në ambasadën amerikane me zv/ndihmësin e sekretares amerikane të Shtetit, Philip Reeker, tha se nëse BDI-ja mendon që përmes zgjedhjeve të parakohshme parlamentare mund të parandalojë miratimin e këtij ligji, ai u shpreh i gatshëm të ulet e të bisedojë me Ahmetin për këtë çështje.
“Unë seriozisht do t’i mbështesë tentimet e BDI-së për ta parandaluar sjelljen e këtij ligji shumë të keq dhe seriozisht nëse ata mendojnë se ky proces mund të bllokohet nëpërmjet zgjedhjeve të parakohshme, jam i gatshëm që të ulem dhe të bisedoj të shohim se si të dalim prej kësaj situate, variante të tjera nuk preferoj dhe nuk i bëj. Shumë shaka kanë bërë mes vete, mirëpo shakatë në kuadër të raporteve ndëretnike zakonisht janë të rrezikshme dhe të turpërojnë. Unë mendoj se ata pas katër vjet mandati, të cilën e patën seriozisht, duhet të qëndrojnë këtë herë”, tha lideri i PDSH-së, raporton Alsat-M.
Lideri i opozitës maqedonase, Branko Cërvenkovski, pas takimit me Reekerin, tha se nuk i beson deklaratave publike të ditëve të fundit që vijnë nga partnerët e koalicionit qeveritar për zgjedhje të parakohshme parlamentare. Duke komentuar përplasjet e partnerëve të koalicionit, Cërvenkovski tha se ato nuk janë serioze, ndërsa shtoi se LSDM-ja dëshiron që Qeveria aktuale të mbijetojë deri në fund, me qëllim që dy partitë në pushtet të mbajnë përgjegjësinë dhe të presin dënimin që do t’iu dërgojë populli në zgjedhjet e ardhshme. Ai tha se është i gatshëm për zgjedhje të parakohshme parlamentare, por ato të mbahen bashkë me ato lokale në mars të vitit të ardhshëm.
