Intensifikohen përpjekjet për kapjen e Ilir Kumbaros
Artikujt tjerė
- Intensifikohen përpjekjet për kapjen e Ilir Kumbaros
- Maqedonasit e Shqipërisë nuk i njohin të dhënat e regjistrimit
- CEZ urdhërohet të sigurojë furnizimin gjatë festave
- Rritje e frikshme e gjakmarrjes në Shqipëri
- Idrizi: Rezoluta çame të mos shihet me indiferentizëm
- Dritan Prifti dhuron lopë e gjela deti për të varfrit
- Familjarët e Berishës: Pasuria e ligjshme, përballemi në Gjykatë
- Shqipëria, destinacioni i 13-të për 2013-n
- Ndër fituesit e çmimit të UGSH-së, edhe Ibrahim Rexhepi
- Tirana ndihmon rindërtimin e veriut të Mitrovicës
Tiranë, 23 dhjetor - Kur është mbushur një vit nga zhdukja misterioze e Ilir Kumbaros, i cili ishte në pritje të seancës së ekstradimit nga Londra drejt Shqipërisë, policia britanike thotë se ka intensifikuar përpjekjet e saj për gjetjen e vendndodhjes së ish-shefit të shërbimit sekret shqiptar.
Murray Duffin, nga njësia e ekstradimeve në Scotland Yard, i tha gazetës The Daily Star se lajmi i dënimit të tij ka përforcuar përpjekjet për të sjellë Kumbaron përpara drejtësisë.
Ish-drejtuesi i SHISH-it, 59-vjeçari Kumbaro arriti të arratisej nga Londra në nëntor të 2011, në kohën kur ishte liruar me kusht për t’u paraqitur në seancën e radhës për ekstradimin e tij, në Gjykatën e Westminsterit, seancë e cila do të vendoste për fatin e tij, i cili me shumë gjasa do të ishte dërgimi në Tiranë për t’u përballur me drejtësinë për akuzat e zhdukjes dhe vrasjes së biznesmenit Remzi Hoxha, raporton televizioni Top Channel.
Gjykata e Krimeve të Rënda në Tiranë e dënoi Kumbaron me 15 vjet burg. Zyrtarët britanikë nuk japin hollësira nëse Kumbaro është ende në Britani apo nëse ka mundur të largohet nga territori britanik. Nëse Kumbaro është larguar nga Britania, kërkimet e tij bëhen akoma më të vështira. Ndaj tij që prej një viti është lëshuar urdhër ndërkombëtar arresti.
