Nishani në SHBA, për shtatoren e “Nënë Terezës”
Artikujt tjerė
- Nishani në SHBA, për shtatoren e “Nënë Terezës”
- Inaugurohet rruga Ura e Mesit-Prekal
- Reeker e Rama dakord për 'ligjin e Gjykatës së Lartë', 'heqjen e imunitetit' dhe 'reformën parlamentare'
- “Ultimatumi” i BE-së për Shqipërinë
- Pedagogë grekë zënë punë në Shqipëri
- Berisha vizitë pa kamera Nishanit
- AK fton Berishën e Thaçin: Hiqni barrierat doganore
- Majko: Kosova, garanci për statusin e shqiptarëve në rajon
- Shiu shuan zjarret në pyjet e Kukësit
- Topi zyrtarisht në krye të FRD-së
Cleveland, 9 shtator - Presidenti i Republikës së Shqipërisë, Bujar Nishani pritet të jetë në Shtetet e Bashkuara të Amerikës më 22 shtator. Vizita e tij bëhet në kuadër të zbulimit të shtatores së Nënë Terezës në parkun më të madh të qytetit Cleveland, në shtetin federal Ohio.
Që nga 22 shtatori shqiptaro-amerikanët do të kenë pjesën e tyre në parkun “Rockfeller”, parkun më të njohur të Clevelandit, në qendër të të cilit tij do të ngrihet statuja e bamirëses Nënë Tereza.
Ceremonia do të nisë rreth orës 04:30 me orën lokale, me muzikë live të interpretuar nga një treshe muzikantësh shqiptarë, njofton Panorama.
Përurimi i këtij parku kulturor për shqiptarët vjen në kuadër të 100 vjetorit të shpalljes së Pavarësisë së Shqipërisë. Në ceremoni do të marrin pjesë, përpos presidentit Nishani, edhe ambasadori shqiptar në SHBA, Gilbert Galanxhi, dhe kryebashkiaku i Clevelandit, Frank Jockson. Dona Brady, anëtare e Këshillit Bashkiak të Clevelandit është njëra prej iniciatorëve dhe ajo e cila do të kujdeset në detaje për ceremoninë.
Kërkesa për vendosjen e statujës së Nenë Terezës në “Rockfeller Park” është bërë nga komuniteti shqiptaro-amerikan që në vitin 2009.
