Nishani siguron Arvizunë për pavarësi të institucioneve
Artikujt tjerė
- Nishani siguron Arvizunë për pavarësi të institucioneve
- Radhë për pasaporta në Kukës, mbyllen zyrat e aplikimit
- Meta-Rama, takim kokë më kokë në Tetovë
- Perime me kimikate, pjekje e rritje artificiale
- Nishani dekreton disa lëvizje të gjeneralëve
- Qeveria shqiptare nderon Arbën Xhaferin
- Zbardhet formulari i vetëregjistrimit etnik të minoritetit
- Majko reagon kundër deputetit neonazist grek
- Dekretohet Kodi i ri Zgjedhor i Shqipërisë
- Fule: Statusi kandidat Shqipërisë, pas plotësimit të 12 prioriteteve
Tiranë, 17 gusht - Presidenti i Republikës Bujar Nishani i jep garanci ambasadorit të SHBA, Aleksandër Arvizu, në përpjekjet për pavarësi të institucioneve dhe gjyqtarë të përzgjedhur mbi sistemin e meritës. Shefi i diplomacisë amerikane ka ndërmarrë takime në Tiranë me krerët e shtetit dhe politikës vendase në prezantim të numrit dy të ambasadës amerikane, Henry V. Jardine, duke e nisur nga takimi me kreun e ri të Shtetit, takim që përbën edhe të parin mes tyre, pasi Bujar Nishani nisi zyrtarisht detyrën. Njoftimi zyrtar i Presidencës thotë se në përgjigje të interesimit të Ambasadorit Arvizu, presidenti Nishani tha se ndër prioritetet e presidencës së tij do të jenë pavarësia e sistemit gjyqësor dhe rritja e besimit të gjyqtarëve te sistemi i drejtësisë. Kreu i Shtetit u shpreh më tej, se promovimi i gjyqtarëve do të realizohet duke u bazuar në merita, nëpërmjet një procedure të hapur dhe transparente me kritere të përcaktuara qartë, vijon njoftimi zyrtar i Presidencës.
Sipas njoftimit, ambasadori amerikan vlerësoi qasjen e Presidentit në lidhje me reformimin e sistemit të drejtësisë dhe fuqizimin e rolit të Këshillit të Lartë të Drejtësisë. Ambasadori Arvizu shprehu bindjen se Presidenti Nishani ka personalitetin dhe integritetin e duhur për të garantuar bashkëpunimin harmonik ndërinstitucional bazuar në pavarësinë dhe respektin e ndërsjelltë ndërmjet institucioneve.
Më pas, ambasadori amerikan u prit në takim nga kryeministri Sali Berisha. Njoftimi i kryeministrisë thotë se kryeministri Berisha i uroi zotit Jardine mirëseardhjen në Shqipëri dhe suksese në detyrën e tij. Kryeministri Berisha ritheksoi angazhimin maksimal të qeverisë shqiptare që këto marrëdhënie të çohen përpara dhe të njohin zhvillime të mëtejshme pozitive për të dyja vendet, përfundon njoftimi zyrtar i Kryeministrisë.
