Izraeli: Ka situata më të komplikuara në botë sesa Kosova

Tiranë, 2 gusht - ‘Nëse dikush do të më thoshte atëherë kur isha student në Bashkimin Sovjetik, se një ditë do të bëhesha ministër i Jashtëm i Izraelit dhe do të vija në Shqipëri për të inauguruar hapjen e ambasadës izraelite në Tiranë, nuk do ta besoja kurrë. Ky takim është një provë se si vendet tona kanë ndryshuar gjatë këtyre 20 viteve me një dinamikë dhe sfida të mëdha, si kanë evoluar marrëdhëniet midis dy vendeve, midis dy kombeve dhe miqve. Arsyeja ime e ardhjes në Tiranë është vetëm kjo, inaugurimi që i bëhet ambasadës në Tiranë, në mënyrë që këto dy vende të thellojnë bashkëpunimin mes tyre”, deklaroi sot në Tiranë Avigdor Lieberman, ministër i Jashtëm i Izraelit në një konferencë të përbashkët për shtyp me homologun shqiptar, Edmond Panariti.

Pyetjes se përse Izraeli nuk e ka njohur Kosovën, Liberman tha se qëndrimi i Izraelit nuk ka të bëjë vetëm me Kosovën, por me gjithë rajonin e Ballkanit.

“Së pari, nga eksperienca jonë si Lindje e Mesme, ne shpresojmë se kjo pjesë e botës do t’i zgjidhë problemet e saj në mënyrë paqësore. Shpresoj të gjeni zgjidhje paqësore, qoftë nëpërmjet bisedimeve dypalëshe, ashtu edhe nëpërmjet negocimeve të drejtpërdrejta. Rajoni jonë (Lindja e afërme) është pjesa më e komplikuar e botës, ne kemi mjaft situata të komplikuara jo vetëm në rajon, por edhe çështjet brendshme. Qëndrimi jonë ka të bëjë me gjithë rajonin e Ballkanit, ku përfshihet edhe çështja e Kosovës dhe shpresoj që të gjithë popujt e këtij rajoni t’i zgjidhin problemet e tyre paqësisht”, njofton BalkaWeb.

Po për këtë çështje, ministri Panariti theksoi se Izraeli ka njohur pasaportat e Kosovës.

“Ndaj të njëjtin vlerësim si zoti Liberman, për forcimin e dialogut të niveleve të bashkëpunimit rajonal midis Shqipërisë dhe Kosovës, midis Shqipërisë dhe vendeve të tjera të rajonit dhe kjo padyshim është rruga më e mirë për integrimin e gjithë rajonit në Bashkimin Evropian. Për sa i përket çështjes së Kosovës, padyshim që progres ka ndodhur, pasaportat e Kosovës tashmë njihen nga shteti i Izraelit. Kjo është një tregues shumë i rëndësishëm, një vlerësim shumë objektiv i situatës rajonale”.

Panariti shprehu bindjen se marrëdhëniet mes dy vendeve janë dhe do të jenë një model Me ardhjen e ministrit Lieberman në Tiranë, po sot, në qendër të kryeqytetit shqiptar zbritën tre ushtarë izraelitë me parashuta nga një helikopter. Mësohet se ushtarët zbritën me parashuta në qendër të Tiranës për sigurinë e ministrit të tyre.

 

Komente (3)Shpërndaje artikullin

• 22:33Barka “zbarkon” në mes të autostradës
• 22:28Giffoni premton rrugë për nxënësit e Mihirit
• 22:12Daçiqi konfirmon dakordimin, “më shumë punë e pret Prishtinën”
• 21:53Tre të arrestuar për falsifikim parash
• 21:46Promovohet libri “Utopia reale” e I. Berishës
• 21:43Reshje shiu, deri të dielën
• 21:32“Shqiponjës” i merren dy arinj të murrmë (Video)
• 21:29Në “Lutjet e mëngjesit”, përfaqësues të mbi 30 shteteve
• 21:07Sondazh, LDK-ja ulë ngecjen prapa PDK-së
• 20:58Magjistralja Prishtinë-Mitrovicë, me 20 milionë dollarë të BIZH-it