Italia pengon kontrabandën e helmit të akrepit nga Shqipëria
Artikujt tjerė
- Italia pengon kontrabandën e helmit të akrepit nga Shqipëria
- AK vendos flamuj në detin Jon
- Lieberman në Tiranë
- Masa të rrepta kundër tregtimit të mishit nëpër rrugë
- Nga Britania sillen në Shqipëri 100 të burgosur shqiptarë
- Inaugurohen 38 kilometra të superstradës Levan – Tepelenë
- Situata dramatike e komunitetit shqiptar të Rumanisë
- Berisha në darkë me Mesiqin, Sejdiun e Moisiun
- BE-ja kërkon përparim në reforma në Shqipëri
- Nishani takon shefen e diplomacisë qipriote
Tiranë, 2 gusht - Në këto ditë vere në doganën e Barit, ku shtohet në mënyrë të ndjeshme qarkullimi i pasagjerëve dhe automjeteve drejt dhe nga Shqipëria, nuk ndalet aktiviteti i forcave të rendit.
Të mërkurën, në një autobus të sapozbritur nga trageti 'Adriatica', u zbuluan gati 600 flakonë Vitadox; një medikament natyror i nxjerrë nga helmi i një lloj akrepi, që shitet si mjekim kundër disa lloj tumoresh. Ky ilaç është i ndaluar ne Itali dhe në përgjithësi në vendet evropiane, por shitet lirisht në Shqipëri, i importuar nga Kuba, ku prodhohet.
Sipas faqes zyrtare të Pharmamatrix, çmimi në Shqipëri është 145 euro për 30 miligramë. Kapja e kësaj sasie të madhe të këtij medikamenti të ndaluar u përshëndet nga Luigi d'Ambrosio Lettieri, sekretari i Komisionit për Shëndetësi pranë Senatit Italian. Ai kujtoi se deri më sot “pranë Agjencisë Italiane për Produktet Farmaceutike nuk është paraqitur asnjë kërkesë për marrjen e autorizimit dhe se në nivel ndërkombëtar nuk ekzistojnë studime shkencore që të vërtetojnë efikasitetin e kësaj substance”.
E megjithatë, kjo nuk ndal italianët që të shkojnë në Shqipëri posaçërisht për të blerë këtë medikament, të shtyrë nga shpresa dhe dëshpërimi.
