Spahiu: Politika e shitur te serbët dhe grekët
Artikujt tjerė
- Zjarri rrezikon lagjen muzeore të Beratit
- Spahiu: Politika e shitur te serbët dhe grekët
- Shqipëria importoi nga Mali i Zi 10 mijë raketa antitank?
- Nga e hëna, në Shqipëri pak më freskët
- Shqipëria angazhohet për afrimin e Kosovës në KE
- Ambasadorët shpresojnë në heqjen e imunitetit
- Nis asgjësimi i predhave të luftës
- Për 43 ditë, 500 mijë kalime nëpër Vërmicë
- Dhori Kule “hëngri” bodrumin në Fakultetin e Mjekësisë!
- Ish-konsulli grek kundër censusit të “OMONIA”-s
Tiranë, 15 korrik - Aleanca Kuq e Zi ka nisur sot turin e takimeve me emigrantët shqiptarë të cilët kthehen gjatë sezonit veror pranë të afërmve të tyre për të kaluar pushimet. Kreu i lëvizjes Aleanca Kuq e Zi çeli fushatën e takimeve me emigrantët shqiptarë në qytetin e Durrësit. Takimi u zhvillua në pistën “Iliria”, ku u mblodhën me qindra emigrantë shqiptarë nga qyteti bregdetar i Durrësit.
“Aleanca Kuq e Zi i ka kthyer sytë tek emigrantët shqiptarë që janë larguar nga Shqipëria gjatë 22 vjetëve të tranzicionit, jo me qëllim për t’iu marrë atyre votën një muaj përpara zgjedhjeve, por sepse Aleanca është vetmja forcë politike që shqiptarët i trajton pa ndasitë që politika 22 vjeçare e dështuar është mësuar t’i trajtojë ata”, deklaroi kryetari i AK-së, Kreshnik Spahiu, raporton agjencia Noa.
Sipas Kreshnik Spahiut, forca e bashkimit dhe fuqia e zërit të arsyes do të bëjë të mundur që shqiptarët të shpëtojnë njëherë e përgjithmonë nga kjo klasë politike e shitur tek serbi dhe greku. “Ju jeni larguar nga vendi juaj, familjet dhe të afërmit tuaj për një jetë më të mirë. Paguani taksa në vendet ku jetoni dhe jeni sërish të huaj. Ju trajtoheni si qytetarë të dorës së dytë sepse politika e Sali Berishës dhe Edi Ramës ka bërë që imazhi i Shqipërisë të rrënohet vit pas viti, duke vënë në vështirësi kombin shqiptar brenda dhe jashtë kufijve. Kjo epokë e errët e politikanëve të dështuar dhe klienteliste duhet të marrë fund”, tha Spahiu.
