Kuçi u shkruan medieve: Jap dorëheqje nëse nuk hiqen nenet 37 e 38

Prishtinë, 27 prill – (E plotësuar) Zëvendëskryeministri dhe ministri i Drejtësisë i Kosovës, Prof Dr. Hajredin Kuçi, ndërkohë u ka drejtuar një letër medieve, me të cilën u bashkohet shqetësimeve të gazetarëve për cenimin e lirisë së shprehjes e të shtypit me nenet 37 e 38 të Kodit Penal, të sapomiratuar nga Kuvendi. Në letrën e tij thuhet:
“Të dashur miq të mediave.
Duke shprehur keqardhjen për shqetësimin tuaj lidhur me nenet 37 dhe 38 të Kodit Penal dhe që një kod shumë modern ka rënë nën hijen e këtyre dy neneve, theksoj se kur kam nënshkruar heqjen e neneve 37 dhe 38 nga ky kod, e kam menduar këtë me bindje, pasi për mua rendi dhe ligji, mediat e lira dhe shoqëria civile, janë parametra të zhvillimit demokratik të vendit.
Andaj, e ftoj Presidenten e Republikës së Kosovës që t’i kthejë këto dy nene. Dhe nëse ajo nuk i kthen, unë do ta amandemantoj Projekt-Kodin pa këto dy nene dhe do ta dërgoj prapë në Kuvend, sepse për këtë ka kohë, ngase kodi nuk hynë në fuqi para 1 janarit 2013.
Po ashtu, me tërë autoritetin tim politik dhe njerëzor do të loboj në Kuvend që të hiqen këto dy neneve. Nëse Kuvendi nuk i amandemanton këto dy nene dhe Kodi hynë në fuqi me këto dy nene, kështu si janë sot, unë atë ditë do të jap dorëheqje nga pozita ime si Ministër i Drejtësisë dhe anëtar i Qeverisë, ngase nuk dua të jem personi që kufizon apo jep përshtypjen se kontribuon në kufizimin e lirisë dhe punës së mediave të lira dhe të pavarura, në funksion të interesit publik.
Këtë e bëjë edhe si akt moral, ngase një kohë, gati dy vite, në fillim të viteve të 90-ta, kur mungonte edhe liria e Kosovës, unë si Kryeredaktor i gazetës “Bota e Re”, jam përpjekur për lirinë e mediave të vendit tim edhe nën okupim, ngase kam menduar se këto dyja shkojnë bashkë dhe kanë kuptim kur veprojnë njëkohësisht dhe të plota”, përfundon letra

Prishtinë, 27 prill - 13:22 - Zëvendëskryeministri i Kosovës dhe njëkohësisht ministri i Drejtësisë, Hajredin Kuçi ka paralajmëruar dorëheqjen e tij në rast se nuk do të hiqen nga Kodit i ri Penal, neni 37 dhe 38.

Gjatë ceremonisë së dhënies së betimit të noterëve të Kosovës, ai ka folur për këtë temë, duke thënë se do të kërkojë nga presidentja e vendit, Atifete Jahjaga, që të kthehet prapa ligji për Kodin Penal.

Ai është zotuar se do ta amendamentojë Kodin, nëse Jahjaga, nuk ndërmerr asgjë as  pas kërkesës së tij.

“Do të loboj në Kuvendin e Kosovës, që ato dy nene të mos miratohen. Nëse edhe përkundër përpjekjeve të mia, ato dy nene më 1 janar hyjnë në fuqi, hyn në fuqi edhe dorëheqja ime”, ka thënë Kuçi.

Për nenin 37 dhe 38 të Kordit të ri Penal, ditë më parë kanë protestuar gazetarët e Kosovës, të cilët edhe në takim me presidenten e vendit, Atifete Jahjaga, i kanë kërkuar asaj që t’i kthej prapa këto dy nene, pasi me to shkelet liria e shprehjes.

Komente (19)Shpërndaje artikullin

• 09:38Bondsteel pritet të mbyllet më 2014
• 09:37Një martesë kundër vdekjes…
• 09:32Perry: Nuk di asgjë për Russell Brand
• 09:27Ende po heshtim
• 09:26Limajt e të tjerëve edhe dy muaj arrest shtëpiak
• 09:24Santosi heq dorë nga Robinho
• 09:23Cassano te Parma
• 09:22Juve favorit për Ogbonnën
• 09:21Carroll kalon te West Hami
• 09:19Familja e Kabashit demanton gazetën spanjolle