48 orë paraburgim për Mark Koshnjetin, të hënën para gjykatësit

Beograd, 15 prill - Sipas njoftimeve të  medieve serbe, Mark Koshnjetit, të arrestuar të shtunën  nga policia e Serbisë,  në Merdar,  derisa po udhëtonte me autobus për në Beograd, pas marrjes së pyetje, një gjykatës serb ia ka caktuar  48 orë paraburgim .

Sipas medieve serbe, prokuroria e këtij vendi ka vendosur që kundër Koshnjetit të nis hetimet. Ai, sipas gazetës serbe Blic, do të merret të hënën në mëngjes në pyetje, kur për paraburgim do të vendos gjykatësi i degës për krime të luftës në Gjykatën  e Lartë në Beograd.

Pjesëtarët e Ministrisë së Punëve të Brendshme të Serbisë kanë arrestuar Mark Koshnjetin në Merdar, "bazuar në një arrest për krime lufte", kanë raportuar mediat serbe.

Lajmin e ka bërë të ditur ministri i Brendshëm serb, Ivica Daçiq, i cili ka thënë se shqiptari kosovar "dyshohet për krime lufte kundër serbëve, të kryera në vitet 1990 në Kosovë", raportojnë mediat serbe.

"Ky arrestim nuk ka të bëjë me përkatësinë etnike. Bëhet fjalë për krime lufte kundër popullsisë civile. Nëse ai është fajtor, do të tregojë procesi i mëtejshëm", transmetojnë mediat serbe deklaratën e Daçiqit.

Zëvendësprokurori serb për krime lufte, Bruno Vekariq, ka thënë se Kasnjeti, "si pjesëtar i UÇK-së, ka kryer krime ndaj civilëve serbë në fshatin Kraimirovc, më 1998".

Në anën tjetër, familja e Koshnjetit, nga Prizreni nëpërmjet degës së KMDLNJ-së të shtunën në orët e vona është deklaruar se Marku,  nuk ka qenë pjesëtar i UÇK-së.

KMDLNJ, Qendra Rajonale në Prizren, ka reaguar të shtunën lidhur me këtë arrestim, duke identifikuar më saktësisht Koshnjetin dhe  duke kërkuar  nga mekanizmat vendorë dhe sidomos atyre ndërkombëtarë që të ndërhyjnë për ta liruar ate.           

 Në reagimin e KMDLNJ-së thuhet:

 Me 04.2012, rreth orës 22.00, familjarë të të arrestuarit (Mark Koshnjeti) sot nga autoritetet serbe në Merdare, kanë njohtuar Qendrën Rajonale të KMDLNJ-së në Prizren se:”Mark (Mihill) Koshnjeti(1955), i lindur  në Prizren, banues poashtu në Prizren, rr.’Pal Paluca’, p.n. është arrestuar në pikën kufitare në Merdare, derisa po shkonte për vizitë tek motra e vet në Beograd, që jeton prej kohësh”, ka thënë fillimisht e bija e Markut, Valentina Koshnjeti-Koni.

Ajo më tej tha se:”babai im ka udhëtuar tek motra e vetë (motra e Markut) për vizitë, sepse vajza e motrës së tij këto ditë do të martohet. Ai, asnjëherë nuk ka qenë pjesëtar i Ushtrisë Çlirimtare të Kosovës dhe është arrestuar pa të asnjë të drejtë lidhur me këtë dyshim”, ka thënë Valentina, e bija e Markut, që njoftoi se janë në dijeni se ai tashmë është në Burgun e Beogradit.

Edhe burime tjera të Qendrës Rajonale të KMDLNJ-së, bëjnë të ditur se Mark Koshnjeti nuk ka qenë pjesëtar i UÇK-së.

Qendra Rajonale e KMDLNJ-së në Prizren, kërkon nga mekanizmat vendorë dhe sidomos atyre ndërkombëtar që të ndërhyjnë dhe të njëjtin ta lirojnë.

Komente (7)Shpërndaje artikullin

• 21:01Të shtunën dhe të dielën, ndërprerje të energjisë elektrike
• 20:44EULEX-i hedhë poshtë kallëzimin kundër Qemajl Mustafës
• 20:38Në pritje të vendimit të gjykatës, paralajmërohet protestë të hënën
• 20:13Gjibraltari, anëtar i ri i UEFA-s
• 20:07Kosova, model i bashkëjetesës fetare
• 19:58MPMS jep 30 mijë euro për luftimin e rriqrave
• 19:48Interi shkarkoi trajnerin Stramaccioni
• 19:43Parandalohet rrëmbimi i avionit në qiellin britanik
• 19:42Ushtria franceze ndërhyn në Niger
• 19:40Gjukanoviq lavdëron Serbinë e Kosovën