Presidentja Jahjaga u kthye nga vizita në Gjermani
Artikujt tjerė
- Presidentja Jahjaga u kthye nga vizita në Gjermani
- Të martën hapen tri tema në dialogun Beograd-Prishtinë
- PDK-ja hesht për shpenzimet e konventës zgjedhore
- Zëvendësministri Petroviq, në mëngjesin e lutjeve te Obama
- Kolona të gjata në pikëkalimin e Bllacës
- Shemsi Nuhiu falënderon kontribuesit për lirimin e tij
- Hoxhaj kërkon njohje nga Iraku
- Fajësia e Ojdaniqit, dëshmi për krimet e shtetit serb në Kosovë
- Javën e ardhshme, pajtimi për Reformën Zgjedhore?
- Qeveria pretendon të fuqizojë misionet konsullore
Prishtinë, 3 shkurt - Presidentja Atifete Jahjaga u kthye sot nga vizita në München të Gjermanisë, ku mori pjesë në Konferencën e 49-të për Siguri.Gjatë pjesëmarrjes në konferencë, në të cilën ishin edhe shumë liderë shtetesh dhe personalitete të shquara nga e gjithë bota, presidentja e Kosovës zhvilloi një varg takimesh të rëndësishme.
Jahjaga zhvilloi një takim me zëvendëspresidentin e SHBA-së, Joseph Biden, me të cilin diskutoi një varg çështjesh të rëndësishme. Ajo bashkëbisedoi me përfaqësuesen e lartë të BE-së për politikë të jashtme dhe siguri, Catherine Ashton, presidentin e Konfederatës së Zvicrës, Ueli Maurer, sekretarin e përgjithshëm të OSBE-së, Lamberto Zannier, ish-sekretarin e përgjithshëm të NATO-s, Javier Solana, kongresisten amerikane dhe drejtoreshë e Qendrës Woodrow Wilson, Jane Harman, ish-zëvendësndërmjetësin e OKB-së për statusin e Kosovës, Albert Rohan.
Po kështu, zonja Jahjaga zhvilloi takime edhe me zëvendëskryeministrin dhe ministrin e Jashtëm të Sllovakisë, Mirosllav Llajçak, Presidentin e Kroacisë, Ivo Josipoviq, ministrin e punëve të Jashtme të Turqisë, Ahmet Davutoglu, si dhe zyrtarë të tjerë të lartë, pjesëmarrës në këtë konferencë.
