Komandanti i KFOR-it vizitoi Zyrën e Kosovës në veri
Artikujt tjerė
- Komandanti i KFOR-it vizitoi Zyrën e Kosovës në veri
- Rënie apo ngritje e cilësisë së arsimit
- Ambasadori Hysa bisedoi me kreun e Gostivarit
- ÇOHU: Sistemi i drejtësisë ka dështuar në sundimin e ligjit
- Kosova sa më parë në Marrëveshjen e Stabilizim-Asociimit
- Serbët vunë barrikada druri në Rudare
- Rasmussen: Situatë më e mirë në Kosovë, probleme në veri
- Krasniqi u bëri homazh dëshmorëve Pajaziti, Hoxha e Zejnullahu
- Thaçi: Ranë për liri, nga liria nderohen
- Pentagoni mbështet Kosovën
Mitrovicë, 31 janar - Komandanti i KFOR-it, gjeneralmajori, Volker Halbauer vizitoi të enjten Zyrën Administrative të Kosovës në veri të Mitrovicës (ZAMV), ku bisedoi me shefen e saj, Adrijana Hoxhiq.
“Si zyrë kemi marrë për obligim maksimalisht të bashkëpunojmë me institucionet e sigurisë, në mënyrë që qytetarëve t’ju sigurohet liria elementare dhe e drejta për vetëvendosje për të tashmen dhe të ardhmen e tyre. Jemi dakorduar që në këtë drejtim duhet edhe më shumë punë. Ne jemi duke vazhduar me aktivitetet tona, si në ofrimin e shërbimeve administrative qytetarëve ashtu edhe me implementimin e projekteve infrastrukturore të planifikuara, dhe atë ekskluzivisht me kërkesën e qytetarëve, pa kurrfarë imponimi apo kushtëzimi”, tha Hoxhiq në takim, njofton shërbimi për informim i kësaj zyre.
Komandanti i KFOR-it falënderoi zyrtaren Hoxhiq dhe bashkëpunëtorët e saj për informimin mbi mënyrën e funksionimit të ZAMV-së.
“Kjo është vizita ime e parë në Zyrën Administrative të Mitrovicës Veriore, ku u njoftova shumë mirë për shërbimet që i ofron kjo zyrë, dhe që prej muajit qershor të vitit 2012 e deri më sot është vizituar nga mbi 4 000 qytetarë, gjë që tregon se shërbimet e kësaj zyre janë të nevojshme për qytetarët e Mitrovicës Veriore”, tha Halbauer.
Në qoftë se KFOR-i vëren çfarëdo kërcënimi ndaj sigurisë, pjesëtarët e tij do të ndërmarrin të gjitha masat e nevojshme në mënyrë që në pjesën veriore të vendit të mbretërojë situatë e qetë, tha kreu i KFOR-it, për të shtuar se përkrah punën dhe aktivitetet e kësaj zyre, si dhe vazhdimin e bashkëpunimit me të.
