Vulin viziton varret në Kosovë me leje të Qeverisë

Prishtinë, 30 janar - Qeveria e Kosovës ka miratuar sërish vizitën në Kosovë të drejtorit të Zyrës për Kosovën në Qeverinë e Serbisë, Aleksander Vulin. Përfaqësuesi shtetëror serb pritet që ndër të tjera të vizitojë edhe disa prej lokacioneve në të cilat ka pasur sulme ndaj varrezave të pjesëtarëve të komunitetit serb.



Zëdhënësi i Policisë së Kosovës, Brahim Sadriu ka konfirmuar për Telegrafin vizitën e zyrtarit shtetëror serb.



“Pas dhënies së lejes nga Qeveria, Policia e Kosovës do ta shoqërojë zyrtarin serb gjatë qëndrimit në vend”, ka thënë Sadriu.



Pritet që Vulin të vizitojë varrezat ortodokse në Kllokot, të cilat më 20 janar janë dëmtuar nga persona ende të paidentifikuar, ndërsa do të qëndrojë edhe në Istog dhe në veri të Mitrovicës.



Gjatë vizitës së fundit të Vulinit në Kosovë, për Krishtlindjet ortodokse, policia e Kosovës pati ndaluar disa prej personave, pjesëtarë të të ashtuquajturës “Mbrojtja Civile”, të cilët ilegalisht lanin rolin e truprojave të zyrtarit shtetëror serb.



Asokohe është raportuar se Vulin kishte bërë presion për lirimin e këtyre të ndaluarve, ndërsa më pas u largua në mënyrë demonstrative nga Kosova.



Qeveria e Kosovës është duke lejuar vizitat e Aleksandar Vulinit, ndërkohë që nuk kishte miratuar vizitën e presidentit serb, Tomislav Nikoliq për Krishtlindjet ortodokse. /

 

Komente (8)Shpërndaje artikullin

• 22:49Bayern - kampioni i ri i Evropës
• 22:40Vatikani shenjtëron një prift të njohur për luftën kundër mafias
• 22:36Paris: Ushtari sulmohet me sqepar
• 22:34Fieri heq simbolet e partive politike në qendër të qytetit
• 22:25“Ruby” gënjeu hetuesit
• 22:17Telefoni “po i ul kokën shoqërisë”
• 22:14Luftime në qytetin strategjik sirian të Qusairit
• 22:08Gashi fiton kryemeçin e mbrëmjes "Gani Muhaxheri"
• 22:00Vazhdon bilanci negativ tregtar
• 21:57Vejusha e zezë’ shpërthen veten, 11 të plagosur