Mufa, i preferuari i politikës për drejtor gjeneral të RTK-së

Prishtinë, 14 dhjetor - Deri në fund të muajit të parë të vitit 2013, RTK-ja do të ketë një ekip të ri drejtues. Drejtorit aktual i përgjithshëm, Sylejman Shaqiri, po i përfundon mandati dhe kjo ka bërë që klane të caktuara të shfaqin hapur ambicie për të marrë drejtimin e kësaj shtëpie voluminoze publike në vend.

Konkursi për drejtorin e përgjithshëm pritet që të shpallet më së largu nga mesi i javës së ardhshme. Këtë për portalin reporteri.net, e ka konfirmuar edhe kryetari i Bordit të RTK-së, Rrahman Paçarizi, i cili ka thënë se procedurat për përpilimin e këtij konkursi tanimë janë në fazën finale. “Në fillim, ose më së largu nga mesi i javës së ardhshme do të hapim konkursin”.

Burime të këtij portali brenda bordit të RTK-së, por edhe brenda Komisionit për Media në Kuvendin e Kosovës, tregojnë se politika do të vazhdojë të ketë ndikimin e saj në shtëpinë publike të medias në vend.

Edhe pse konkursi ende nuk është shpallur, drejtori i ardhshëm pothuajse është përzgjedhur. E ai, sipas këtyre burimeve, është kryeredaktori i ri i RTK-së, Mufail Limani. Përzgjedhja e tij për kryeredaktor, edhe pse ishte kundërshtuar nga sindikata e RTK-së, ka treguar qartë se ai gëzon një mbështetje te ata të cilët nga jashtë vendosin për këtë medium.

Paçarizi thotë se bordi do të bëjë përzgjedhjen e kandidatëve më të mirë, ndërsa në fund edhe do të marrë vendim se kush do ta drejtojë RTK-në në ë ardhmen, në bazë të ligjit, i cili obligon atë të jetë i pavarur në vendime. “Unë personalisht, e as anëtarët tjerë të bordit, nuk di të kenë marrë ndonjë sugjerim nga politika apo dikush tjetër se kush duhet të jetë drejtor i përgjithshëm i RTK-së. Neve ligji na obligon që përzgjedhjen ta bëjmë në bazë të kritereve të caktuara për kandidatin më të mirë e jo në bazë të interesave politike të kujtdo çofshin ato”, tha Paçarizi, duke shtuar se prapë e drejta e votës për secilin anëtar të bordit është individuale dhe i takon secilit që të marrë përgjegjësinë për votën e tij. 

Komente (2)Shpërndaje artikullin

• 16:01Nesër fushata “Ta pastrojmë Kosovën”
• 15:51SHBA ndihmon Kosovën për kufij më të sigurt
• 15:45Çmimet e naftës vazhdojnë të bien
• 15:44Një stacion i metrosë së Moskës shndërrohet në sallë koncertesh
• 15:37Radhë në Tiranë për të paguar taksat e automjeteve
• 15:36Dëmtuan buxhetin e Maqedoni, 86 personave nga 3 deri 6 vjet burg
• 15:33 Të hënën Parlamenti i Shqipërisë për 3 ligje
• 15:32Finalja e Championsit më 2015 në Berlin
• 15:25Presidenti i Maqedonisë dënoi incidentet gjatë takimit Shkëndija -Teteks
• 15:23Vrasje në tentativë, me veturë